തൃശൂര്: ശബരിമല സ്വര്ണക്കൊള്ളയില് ഇപ്പോള് നടക്കുന്ന അന്വേഷണം മാത്രം പോരെന്ന് മുന് ഡിജിപി ഡോ. ജേക്കബ് തോമസ്. ഹൈക്കോടതിയുടെ മേല്നോട്ടത്തില് ഉന്നതതല അന്വേഷണം നടത്തണം. ഭക്തരുടെ വികാരത്തെ മാനിച്ച് ശക്തമായ നടപടികളിലേക്ക് സര്ക്കാര് കടക്കണമെന്നും അദ്ദേഹം പറഞ്ഞു. ശബരിമല ക്ഷേത്രത്തിന്റെ നിയന്ത്രണം കേന്ദ്രസര്ക്കാര് ഏറ്റെടുക്കണമെന്നാവശ്യപ്പെട്ട് തൃശൂരില് ബിജെപി നടത്തിയ ഒപ്പുശേഖരണം ഉദ്ഘാടനം ചെയ്യുകയായിരുന്നു അദ്ദേഹം.
ശബരിമലയില് അടിസ്ഥാന സൗകര്യങ്ങള് ഒരുക്കുന്നതില് കേരള സര്ക്കാര് പരാജയപ്പെട്ടു. ഭക്തരെ ഉപദ്രവിക്കുകയും തീവ്രവാദികളെ സംരക്ഷിക്കുകയും ചെയ്യുന്ന നിലപാടാണ് ഇടതുപക്ഷം കൈക്കൊള്ളുന്നതെന്നും അദ്ദേഹം പറഞ്ഞു.
ബിജെപി ജില്ലാ വൈസ് പ്രസിഡന്റ് സുധീഷ് മേനോത്ത്പറമ്പില് അധ്യക്ഷനായി. സംസ്ഥാന സമിതി അംഗം എം.എസ്. സമ്പൂര്ണ, ജില്ലാ ട്രഷറര് വിജയന് മേപ്രത്ത്, ജില്ലാ സെക്രട്ടറി മുരളി കൊളങ്ങാട്ട്, മണ്ഡലം പ്രസിഡന്റ് വിപിന് ഐനിക്കുന്നത്ത്, മഹിളാമോര്ച്ച ജില്ലാ പ്രസിഡന്റ് ശീതള് രാജ എന്നിവര് നേതൃത്വം നല്കി.
