തിരുവനന്തപുരം: നടി മീനാക്ഷി അനൂപ് അഭിനയിച്ച് ഈയിടെ പുറത്തിറങ്ങിയ പ്രൈവറ്റ് എന്ന സിനിമ വലിയ കോളിളക്കം സൃഷ്ടിച്ചിരുന്നു. മലപ്പുറത്തെ ഒരു മുസ്ലിം പെണ്കുട്ടിയായ അഷിതാ ബീഗം എന്ന കഥാപാത്രത്തെയാണ് മീനാക്ഷി ഇതില് അവതരിപ്പിക്കുന്നത്.
ഈ സിനിമയില് പഠിക്കാന് ഇഷ്ടപ്പെടുന്ന പെണ്കുട്ടിയാണ് അഷിതാ ബീഗം. പക്ഷെ ചെറിയ പ്രായത്തില് തന്നെ അവളെ വിവാഹത്തിന് നിര്ബന്ധിക്കുകയാണ് വീട്ടുകാര്. ഇതില് നിന്നും രക്ഷപ്പെടാനായി അവള് ഒളിച്ചോടുകയാണ്. ഈ സിനിമയില് ആദ്യത്തെ 20 മിനിറ്റ് നേരം മലപ്പുറത്തെ മുസ്ലിം കുടുംബങ്ങളില് പെണ്കുട്ടികളെ നേരത്തെ കെട്ടിച്ചയക്കുന്നതുകൊണ്ട് അവരുടെ പ്രൈവറ്റായ സ്വപ്നങ്ങള് (ഉന്നതവിദ്യാഭ്യാസം നേടുക, ജോലി നേടുക തുടങ്ങിയ സ്വപ്നങ്ങള്) ബലികഴിക്കപ്പെടുന്നതാണ് കാണിക്കുന്നത്. ഒളിച്ചോടുന്നതിനിടയില് ഇവള് ബാലന് മാരാര് എന്ന പുരോഗമന രാഷ്ട്രീയക്കാരനെ കണ്ടുമുട്ടുന്നു. ഇന്ദ്രന്സാണ് ആ കഥാപാത്രം കൈകാര്യം ചെയ്യുന്നത്. ഇവര് തമ്മലിലുള്ലള സംഭാഷണങ്ങളിലൂടെ തനിക്ക് പ്രൈവറ്റ് വേണമെന്ന് (സ്വകാര്യമായ സ്വപ്നങ്ങള്) അഷിതാബീഗം എന്ന മീനാക്ഷിയുടെ കഥാപാത്രം പറയുന്നു. മലപ്പുറം ജില്ലയില് വലിയ കോളിളക്കമുണ്ടാക്കിയതാണ് ഈ സിനിമ. മലപ്പുറത്തെ യാഥാസ്ഥിതിക മുസ്ലിം കുടുംബങ്ങളില് പെണ്കുട്ടികള്ക്ക് നേരെ നിലനില്ക്കുന്ന അനീതിയാണ് പ്രൈവറ്റ് എന്ന സിനിമ പുറത്തുകൊണ്ടുവരുന്നത്.
പ്രൈവറ്റ് എന്ന സിനിമ പുറത്തിറങ്ങിയതോടെയാണ് മീഡിയ വണ് ചാനലിന് ഉറക്കം നഷ്ടപ്പെട്ടത്. ഇതിനിടെയാണ് ജാതിയെക്കുറിച്ച് പരാമര്ശിക്കുന്ന ഒരു കുറിപ്പ് ഫെയ് സ് ബുക്കില് മീനാക്ഷി പങ്കുവെയ്ക്കുന്നത്. മീനാക്ഷിയുടെ പോസ്റ്റ് ഇങ്ങിനെയാണ് :”ഇംഗ്ലീഷ് സാഹിത്യത്തില് രണ്ടാം വര്ഷ ഡിഗ്രി വിദ്യാര്ത്ഥിയാണ് ഞാനിപ്പോള്. എട്ടാം ക്ലാസ് മുതലോ ഒമ്പതാം ക്ലാസ് മുതലോ ജാതി വ്യവസ്ഥയെക്കുറിച്ച് പഠിക്കുന്നുണ്ട്. പക്ഷെ പഠിക്കുന്ന പലതും തെറ്റിദ്ധാരണയുണ്ടാക്കുന്നതാണെന്നത് ബുദ്ധിമുട്ടുണ്ടാക്കുന്നു. ദലിത് വിഭാഗം താഴ്ന്ന ജാതിയില് പെട്ടവരാണെന്നും, തൊട്ടുകൂടാത്തവരാണെന്നുമാണ് ജാതി പിരമിഡില് പഠിക്കുന്നത്. ചരിത്രം പഠിക്കുമ്പോള് നിര്ബന്ധമായും ഇത് പഠിക്കേണ്ടതുണ്ട്. നമ്മുടെ മുന്കാലം ഇങ്ങനെയായിരുന്നുവെന്ന് അടയാളപ്പെടുത്തേണ്ടതുണ്ട്. എന്നാല് ദലിത് എന്നത് എവിടെ നിന്നും വന്നു, ആര് അവരെ ഇങ്ങനെയാക്കി, ആര് അവരെ ഇങ്ങനെ കണ്ടു എന്ന് കൂടെ പഠിക്കേണ്ടതുണ്ട്.” .
ഈ പോസ്റ്റിന്റെ പേരില് മീനാക്ഷിയെ ഹിന്ദു വിരുദ്ധയായി ചിത്രീകരിക്കാന് മീഡിയാ വണ് മീനാക്ഷിയെ ഇന്റവ്യൂ ചെയ്യുകയും ജാതിയെക്കുറിച്ച് മീനാക്ഷിയെക്കൊണ്ട് കൂടുതല് പറയിക്കുകയുമായിരുന്നു. പ്രൈവറ്റ് എന്ന സിനിമയില് മുസ്ലിം സമുദായത്തിനകത്ത് പഠിക്കാനാഗ്രഹിക്കുന്ന പെണ്കുട്ടികള് അനുഭവിക്കുന്ന പ്രതിസന്ധികള് അവതരിപ്പിച്ച മീനാക്ഷിയെ ഹിന്ദു വിരുദ്ധയാക്കാന് ജാതിയുടെ ഏറ്റക്കുറച്ചിലിനെക്കുറിച്ച് കൂടുതല് പറയിക്കുകയായിരുന്നു മീഡിയാവണ്. പിന്നീട് വിദ്യാഭ്യാസമന്ത്രി ശിവന്കുട്ടിയെക്കൊണ്ട് മീനാക്ഷിയെ അഭിനന്ദിച്ചുകൊണ്ടുള്ള ഒരു പ്രതികരണവും വാങ്ങി.
