ന്യൂദൽഹി: ദൽഹിയിലെ ചെങ്കോട്ടയ്ക്ക് സമീപമുള്ള ചാവേർ ആക്രമണ കേസിൽ ഓരോ ദിവസവും പുതിയ വെളിപ്പെടുത്തലുകൾ പുറത്തുവരുന്നു . ഇപ്പോൾ ഒരു സ്യൂട്ട്കേസ് ബന്ധം പുറത്തുവന്നിരിക്കുന്നു. എൻഐഎ അറസ്റ്റ് ചെയ്ത മറ്റ് പ്രതികൾ അന്വേഷണ ഉദ്യോഗസ്ഥരോട് ഞെട്ടിപ്പിക്കുന്ന വെളിപ്പെടുത്തലുകൾ നടത്തി.
ദൽഹിയിലെ ചാന്ദ്നി ചൗക്കിലെ കാർ ബോംബാക്രമണത്തിന്റെ പ്രധാന കുറ്റവാളിയായ ഡോ. ഒമർ ഉൻ നബിക്ക് ആയുധങ്ങൾ നിർമ്മിക്കുന്നതിനായി ഒരു രഹസ്യ മൊബൈൽ വർക്ക്സ്റ്റേഷൻ ഉണ്ടായിരുന്നുവെന്ന് വെളിപ്പെടുത്തി. ഫരീദാബാദിലെ അൽ-ഫലാഹ് സർവകലാശാലയിൽ ജോലി ചെയ്തിരുന്ന ഉമർ ഉൻ നബി, ക്യാമ്പസിലെ തന്റെ മുറിയിൽ രാസ സംയുക്തത്തിന്റെ ഒരു ചെറിയ പരീക്ഷണം നടത്തിയതായും പിന്നീട് അത് ഉപയോഗിച്ചാണ് ഇയാൾ ഐഇഡി നിർമ്മിച്ചതെന്നും അറസ്റ്റിലായ ഭീകരൻ മുസമിൽ ഷക്കീൽ അന്വേഷണ ഉദ്യോഗസ്ഥരോട് പറഞ്ഞതായി എൻഡിടിവി റിപ്പോർട്ട് ചെയ്തു.
റിപ്പോർട്ട് അനുസരിച്ച് ഒമർ ഉൻ നബിയുടെ “മൊബൈൽ വർക്ക്സ്റ്റേഷൻ” ഒരു വലിയ സ്യൂട്ട്കേസായിരുന്നു. ഇയാൾ പോകുന്നിടത്തെല്ലാം അത് കൂടെ കൊണ്ടുപോകുമായിരുന്നു. അതിൽ ബോംബ് നിർമ്മാണ സാമഗ്രികൾ, രാസ സംയുക്തങ്ങൾ, അവ സൂക്ഷിക്കാനുള്ള പാത്രങ്ങൾ എന്നിവ അടങ്ങിയിരുന്നുവെന്ന് മറ്റ് പ്രതികൾ പറഞ്ഞു. ഉമറിന്റെ സ്യൂട്ട്കേസിൽ നിന്ന് പോലീസ് കണ്ടെത്തിയ ബോംബ് നിർമ്മാണ സാമഗ്രികൾ ഈ റിപ്പോർട്ട് സ്ഥിരീകരിക്കുന്നുണ്ട്.
ചാവേർ ബോംബാക്രമണത്തിന് ഉപയോഗിച്ച ഹ്യുണ്ടായ് ഐ20 കാറിൽ ഉമർ ഉൻ നബിയാണ് ഐഇഡി സ്ഥാപിച്ചതെന്ന് അന്വേഷണ ഉദ്യോഗസ്ഥർ പറഞ്ഞു. തുടക്കത്തിൽ ഭീകരർ ഹരിയാനയിൽ ഒളിപ്പിച്ച സ്ഫോടകവസ്തുക്കൾ ജമ്മു കശ്മീരിലേക്ക് കൊണ്ടുപോകാൻ ആഗ്രഹിച്ചിരുന്നു. അവിടെ ഉമർ നബി വലിയൊരു ആക്രമണ പദ്ധതി തയ്യാറാക്കിയിരുന്നതായും റിപ്പോർട്ടുണ്ട്.
