ന്യൂദല്ഹി: ഞാന് എത്തും മുന്പേ ബീഹാറിലെ മാറ്റത്തിന്റെ കാറ്റ് എത്തിയിരിക്കുന്നുവെന്ന മോദിയുടെ കോയമ്പത്തൂരിലെ പ്രസംഗം സമൂഹമാധ്യമങ്ങളില് വൈറലായി പ്രചരിക്കുന്നു. നാല് ദിവസം മുന്പാണ് മോദി തന്റെ തെക്കെയിന്ത്യന് പര്യടനവുമായി ബന്ധപ്പെട്ടാണ് കോയമ്പത്തൂരില് എത്തിയത്. അവിടെ നാച്ചുറല് ഫാമിംഗ് ഉച്ചകോടി 2025 ഉദ്ഘാടനവേളയിലാണ് മോദിയുടെ ഈ പ്രസംഗം.
ഗംച എന്ന് വിളിക്കുന്ന കഴുത്തിലൂടെ ധരിക്കുന്ന ഷാള് കയ്യില് പിടിച്ച് ചുഴറ്റുന്നത് ബീഹാറിലെ കര്ഷകരുടെ ശൈലിയാണ്. ഗംച ചുഴറ്റല് എന്നാണ് ഇതിനെ വിളിക്കുക. നാച്ചുറല് ഫാമിംഗ് ഉച്ചകോടി ഉദ്ഘാടന വേളയില് സദസ്സിലുണ്ടായിരുന്ന തമിഴ്നാട്ടിലെ കര്ഷകര് മോദിയെ കണ്ടപ്പോള് അവരുടെ കഴുത്തിലെ പച്ചഷാള് എടുത്ത് ചുഴറ്റിയിരുന്നു. ഇതോടെയാണ് മോദി ബീഹാറിലെ കാറ്റ് നേരത്തെ തമിഴ്നാട്ടില് എത്തി എന്ന് വിശേഷിപ്പിച്ചത്.
തമിഴ്നാട്ടിലെ കര്ഷകരുടെ ഷാള് ചുഴറ്റല് കണ്ടപ്പോള് ബീഹാറിലേതുപോലെ തമിഴ്നാട്ടിലും എന്ഡിഎ അധികാരത്തില് വരും എന്നാണ് മോദി ഉദ്ദേശിച്ചത്. ഇതിന് വലിയ കയ്യടിയായിരുന്നു സദസ്സില് നിന്നും കിട്ടിയത്. ഇതോടെ മോദിയുടെ പ്രസംഗത്തിന്റെ ഈ ഭാഗം സമൂഹമാധ്യമങ്ങളില് വൈറലായി.
പിഎം കിസ്സാന് സമ്മാന് നിധിയില് അംഗങ്ങളായ രാജ്യമെമ്പാടുമുള്ള കര്ഷകര്ക്ക് നല്കുന്ന സഹായധനത്തിന്റെ 21ാം തവണ എന്ന നിലയ്ക്ക് കര്ഷകര്ക്ക് 18000 കോടി രൂപ മോദി അവരുടെ ബാങ്ക് അക്കൗണ്ടിലേക്ക് നല്കിയതായി ചടങ്ങില് പ്രഖ്യാപിച്ചു. തമിഴ്നാട്ടിലുള്ള ലക്ഷക്കണക്കിന് കര്ഷകര്ക്കും ഇതിന്റെ പ്രയോജനം ലഭിച്ചു.
