തിരുവനന്തപുരം:എസ്ഐആര് പ്രവര്ത്തനങ്ങളില് വിദ്യാര്ഥികളെ നിര്ബന്ധിച്ച് പങ്കെടുപ്പിക്കില്ലെന്ന് മുഖ്യതെരഞ്ഞെടുപ്പ് ഓഫീസര് രത്തന് യു. ഖേല്ക്കര് പറഞ്ഞു. സ്കൂള്, കോളേജ് വിദ്യാര്ഥികള് ഇലക്ടറല് ലിറ്ററസി ക്ലബുകളുടെ ഭാഗമാണ്.
പ്രവര്ത്തനങ്ങളിലൂടെയും പ്രായോഗിക അനുഭവങ്ങളിലൂടെയും വിദ്യാര്ഥികള്ക്ക് തെരഞ്ഞെടുപ്പ് സംവിധാനത്തിന്റെ ഭാഗമാവാനുള്ള വേദിയായാണ് ഇത്തരം ക്ലബുകള്.ഈ സാഹചര്യത്തില് വിദ്യാര്ഥികള്ക്കും എസ്ഐആര് പ്രവര്ത്തനങ്ങളില് പങ്കെടുക്കാം.
അധ്യാപകരുടെ അനുവാദത്തോടെ പഠനത്തിന് തടസമുണ്ടകാതെ വിദ്യാര്ഥികള്ക്ക് പങ്കെടുക്കാമെന്നും മുഖ്യതെരഞ്ഞെടുപ്പ് ഓഫീസറുടെ വാര്ത്താക്കുറിപ്പില് പറയുന്നു. വിദ്യാര്ഥികളുടെ സേവനം ഏലത്തൂര് ഇആര്ഒ ആവശ്യപ്പെട്ടെന്ന വാര്ത്ത ശ്രദ്ധയില്പ്പെട്ടതിനെ തുടര്ന്ന് താന് നേരിട്ട് ഉദ്യോഗസ്ഥനുമായി സംസാരിച്ചു. സ്വമേധയാ മുന്നോട്ട് വരുന്ന വിദ്യാര്ഥികളുടെ സേവനം എസ്ഐആര് പ്രവര്ത്തനങ്ങളില് ഉപയോഗപ്പെടുത്താനാണ് ഇആര്ഒ ഉദേശിച്ചത്. മറ്റ് വാര്ത്തകള് ശരില്ലെന്നും മുഖ്യതെരഞ്ഞെടുപ്പ് ഓഫീസര് പറഞ്ഞു.
