തിരുവനന്തപുരം: കാട്ടായിക്കോണത്ത് വീട്ടിലുണ്ടായ പൊട്ടിത്തെറിയില് ഒരാള്ക്ക് പൊളളലേറ്റു. ക്ഷേത്രത്തില് ഉപയോഗിക്കുന്ന കതിന തീപിടിച്ചാണ് പൊട്ടിത്തെറിയുണ്ടായത്.
കാട്ടായിക്കോണം വാഴവിളയില് താമസിക്കുന്ന കഴക്കൂട്ടം സ്വദേശി ബാലകൃഷ്ണന് നായര്ക്ക് (60) ആണ് പൊളളലേറ്റത്. ഗുരുതരമായി പൊള്ളലേറ്റ ഇയാളെ മെഡിക്കല് കോളേജ് ആശുപത്രിയില് പ്രവേശിപ്പിച്ചു. കരിമരുന്ന് ഉണക്കാനിട്ടിരുന്നതിന് സമീപം ഇരുമ്പ് കമ്പി കട്ടര് കൊണ്ട് മുറിക്കുന്നതിനിടെ തീപ്പൊരി ചിതറിയാണ് തീപിടിച്ചത്. ഞായറാഴ്ച രാവിലെ പതിനൊന്ന് മണിയോടെയായിരുന്നു അപകടം.
വിവരമറിഞ്ഞ് സ്ഥലത്ത് നാട്ടുകാരുള്പ്പെടെ ഓടിയെത്തി. പൊലീസ് സ്ഥലത്തെത്തി പരിശോധന നടത്തി. ക്ഷേത്ര ജീവനക്കാരനാണ് ബാലകൃഷ്ണന് നായര്.
