തിരുവനന്തപുരം: നഗരസഭയില് വിമത സ്ഥാനാര്ത്ഥികളായ മുന് സഖാക്കളെ അടിച്ചൊടോടിക്കാന് സിപിഎം തീരുമാനം. നമനിര്ദ്ദേശ പത്രിക സമര്പ്പിച്ചുകളിയുമ്പോള് സിപിഎമ്മില് വിമതര് കാണില്ലന്ന ജില്ലാ സെക്രട്ടറി വി ജോയിയുടെ വേടചകമടി പാഴായതിന്റെ കേടുതീര്ക്കാനാണ് ഗുണ്ടായിസം കാണിക്കാന് തീരുമാനിച്ചിരിക്കുന്നത്.
നഗരസഭയിലെ സിപിഎം ശക്തികേന്ദ്രമായ നാലു വാര്ഡുകളിലെ വിമത സ്ഥാനാര്്ത്ഥികലെങ്കിലും പ്രബലരായ പാര്ട്ടി പ്രവര്ത്തകരായിരുന്നു.
അതില് കണ്ണമ്മൂല വാര്ഡിലെ സ്ഥാനാര്ത്ഥി എം രാധാകൃഷ്ണനെ ഇന്ന് മര്ദ്ദിച്ചവശനാക്കിയിട്ടുണ്ട്. : തൊഴില് ഭവനില് ജില്ലാ ലേബര് ഓഫീസറുടെ മുമ്പില് നാമനിര്ദ്ദേശ പത്രികയുടെ സൂക്ഷ്മപരിശോധനയ്ക്കെത്തിയപ്പോള് മറ്റൊരു വാര്ഡിലെ സ്ഥാനാര്ത്ഥി വഞ്ചിയൂര് ബാബുവിന്റെ നേതൃത്വത്താലായിരുന്നു ആക്രമണം. പ്രസ് ക്ളബ്ബ് മുന് പ്രസിഡന്റായ രാധാകൃഷ്ണന് ഡിവൈഎഫ് ഐ യുടെ മുതിര്ന്ന് നേതാവായിരുന്നു. ഉള്ളൂരില് സ്വതന്ത്ര സ്ഥാനാര്ത്ഥിയായി മത്സരിക്കുന്ന കെ ശ്രീകണ്ഠന് ലോക്കല് കമ്മിറ്റി അംഗമാണ്. ദേശാഭിമാനി ബ്യബരോ ചീഫായിരുന്ന ശ്രീകണ്ഠനും പ്രസ് ക്്ളബ്ബ് മുന് പ്രസിഡന്റാണ്.
അടുത്തത് ശ്രീകണ്ഠന് എന്ന് വെല്ലുവിളിച്ചാണ് വഞ്ചിയൂര് ബാബുവും സംഘവും രാധാകൃഷ്ണനെ മര്ദ്ദിച്ചശേഷം മടങ്ങിയത്.
കോര്പറേഷനില് സ്ഥാനം നിലനിര്ത്താന് ലക്ഷ്യമിടുന്ന എല്ഡിഎഫിന് വിമത സ്വരമുയര്ത്തി പ്രാദേശിക നേതാക്കള് രംഗത്തെത്തിയത് നാണക്കേടും തിരിച്ചടിയുമാണ് ഉണ്ടാക്കിയത്. കഴക്കൂട്ടത്തിനും ഉളളൂരിനും പുറമെ ചെമ്പഴന്തിയിലും വാഴോട്ടുകോണം വാര്ഡിലും വിമത സ്ഥാനാര്ത്ഥിത്വം പ്രഖ്യാപിച്ച് സിപിഎം പ്രാദേശിക നേതാക്കള് രംഗത്തുണ്ട്്. സിപിഎം ലോക്കല് കമ്മിറ്റി അംഗം ആനി അശോകന് ചെമ്പഴന്തിയിലും മുന് ബ്രാഞ്ച് സെക്രട്ടറി കെവി മോഹനന് വാഴോട്ടുകോണത്തും വിമതരായി മത്സരിക്കും.
