തിരുവനന്തപുരം : വാടക വീടൊഴിയാന് ആവശ്യപ്പെട്ട വീട്ടുടമ യായ വയോധികനെ
ക്വട്ടേഷന് നല്കി ആക്രമിച്ച യുവതിയും ക്വട്ടേഷന് സംഘാംഗങ്ങളും അറസ്റ്റില്. തൃക്കണ്ണാപുരത്താണ് സംഭവം.
പാര്വതി(33) , ക്വട്ടേഷന് ഏറ്റെടുത്ത് വീട്ടില് കയറി ആക്രമണം നടത്തിയ മുഹമ്മദ് സുഹൈല്, സുഹൃത്തുക്കളായ ആദില്, ഫാസില് എന്നിവരാണ് പിടിയിലായത്. തൃക്കണ്ണാപുരം സ്വദേശി സോമരാജനെയാണ് (70) ആക്രമിച്ചത്. മുഖത്തും ശരീരത്തിലും പരിക്കേറ്റ ഇദ്ദേഹത്തെ ആശുപത്രിയില് പ്രവേശിപ്പിച്ചു.കഴിഞ്ഞ ബുധനാഴ്ചയാണ് ആക്രമണം നടന്നത്.
ഭാര്യ മരിച്ച ശേഷം വീടിന്റെ താഴത്തെ നില സോമരാജന് വാടകയ്ക്ക് നല്കിയിരുന്നു. പാര്വതിയും കുടുംബവുമാണ് ഇവിടെ താമസിക്കുന്നത്.എന്നാല് കുറെ കാലമായി വാടക നല്കിയിരുന്നില്ല. ഇതിനിടെ സോമരാജനില് നിന്ന് കടമായി പാര്വതി മൂന്ന് ലക്ഷം രൂപയോളം വാങ്ങിയതും തിരിച്ച് കൊടുത്തില്ല.
തുടര്ന്ന് വാടക വീടൊഴിയാനും പണം മടക്കി നല്കാനും സോമരാജന് ആവശ്യപ്പെട്ടു. പൂജപ്പുര പൊലീസിലും പരാതി നല്കി.ഈ വൈരാഗ്യത്തിലാണ് 50000 രൂപയ്ക്ക് ക്വട്ടേഷന് നല്കിയത്.
സി സി ടി വി ദൃശ്യങ്ങള് പരിശോധിച്ചാണ് പൊലീസ് ആക്രമണം നടത്തിയ പ്രതികളെ തിരിച്ചറിഞ്ഞ്. ഇവരെ ചോദ്യം ചെയ്തപ്പോഴാണ് പാര്വതിയാണ് ക്വട്ടേഷന് നല്കിയതെന്ന് വ്യക്തമായത്.
