ന്യൂദല്ഹി: ദല്ഹിയില് സ്ഫോടനം നടത്തിയ ചാവേര് ഉമര് നബിയെയും സ്ഫോടനം നടത്താന് തന്റെ കാര് കൊടുത്ത അമീര് റാഷിദ് അലിയെയും ന്യായീകരിക്കുകയാണ് അഭിഭാഷകയായ സ്മൃതി ചതുര്വേദി. തന്റെ കക്ഷിയായ അമീര് റാഷിദ് അലിയ്ക്ക് തന്റെ ചെയ്തിയില് തെല്ലും മനസാക്ഷിക്കുത്തില്ലെന്നാണ് അഡ്വ. സ്മൃതി ചതുര്വേദി കോടതിയില് വാദിച്ചത്.ഇതോടെ ഇവരുടെ അഭിഭാഷക ലൈസന്സ് റദ്ദാക്കണമെന്ന ആവശ്യം ശക്തമായി ഉയരുകയാണ്.
സ്ഫോടനം നടത്താന് ഉപയോഗിച്ച ഹ്യൂണ്ടായ് ഐ 20 കാറിന്റെ ഉടമ അമീര് റാഷിദ് അലിയ്ക്ക് ഒട്ടും കുറ്റബോധമില്ലെന്ന വാദം സാധാരണ പ്രോസിക്യൂഷന് വേണ്ടി വാദിക്കുന്ന അഭിഭാഷകര് ഉയര്ത്താറുള്ള വാദമുഖമാണ്. ഈ വാദം സ്മൃതി ചതുര്വേദി കോടതി മുന്പാകെ ഉയര്ത്തിയത് വലിയ അമ്പരപ്പാണ് അഭിഭാഷകലോകം ഉളവാക്കിയിരിക്കുന്നത്. “ഇത് ഇന്ത്യയാണ്. ഇത്തരം വാദമുഖങ്ങള് ഉയര്ത്തിയ അഭിഭാഷകയുടെ ലൈസന്സ് റദ്ദാക്കണം. പകരം മറ്റൊരു അഭിഭാഷകനെ നിയമിക്കണം.”- സമൂഹമാധ്യമങ്ങളില് വരുന്ന പ്രതികരണങ്ങള് ഇങ്ങിനെ പോകുന്നു.
ഉമര്നബിയ്ക്ക് തന്റെ ഹ്യൂണ്ടായ് ഐ20 കാര് വാടകയ്ക്ക് നല്കിയതില് തെല്ലും കുറ്റബോധമോ പശ്ചാത്താപമോ തന്റെ കക്ഷിക്ക് ഇല്ലെന്ന് സ്മൃതി ചതുര്വേദി മാധ്യമങ്ങളോടും പ്രതികരിച്ചത്. അമീര് റാഷിദ് അലിയെ ന്യായീകരിക്കുന്നത്. സ്ഫോടനം നടത്തിയ ഉമര് നബിയുടെ അടുത്ത സുഹൃത്താണ് അമീര് റാഷിദ് അലി. കഴിഞ്ഞ ദിവസമാണ് എന്ഐഎ അമീര് റാഷിദ് അലിയെ പിടികൂടിയത്.
എന്തായാലും കേസില് വാദം കേട്ട ദല്ഹി കോടതി അമീര് റാഷിദ് അലിയെ 10 ദിവസത്തെ കസ്റ്റഡിയില് വിട്ടിരിക്കുകയാണ്. ദല്ഹിയില് കാര് ബോംബ് സ്ഫോടനം നടത്തുന്നതില് ചാവേറായ ഉമര് നബിയും അമീര് റാഷിദ് അലിയും ഗൂഢാലോചന നടത്തിയിരുന്നു. കശ്മീര് സ്വദേശിയാണ് അമീര് റാഷിദ് അലി. കേസില് എന്ഐഎയ്ക്ക് പുറമെ ദല്ഹി പൊലീസ്, ഉത്തര്പ്രദേശ് പൊലീസ്, ഹരിയാന പൊലീസ്, ജമ്മു കശ്മീര് പൊലീസ് എന്നിവരും അന്വേഷണത്തില് പങ്കാളികളാണ്.
