കോട്ടയം: എമ്പുരാന് സിനിമ ഷൂട്ട് ചെയ്യാന് കേന്ദ്രമന്ത്രി അമിത് ഷായുടെ പ്രത്യേക അനുമതിയോടെ പള്ളിപ്പുറത്തെ സിആര്പിഎഫ് ക്യാമ്പ് അനുവദിച്ച് നല്കിയത് താനാണെന്ന് കേന്ദ്രമന്ത്രി സുരേഷ് ഗോപി. മലയാള മനോരമ നല്കിയ അവാര്ഡ് സ്വീകരിച്ച ചടങ്ങിലായിരുന്നു സുരേഷ് ഗോപിയുടെ ഈ വെളിപ്പെടുത്തല്.
സിനിമയുടെ സെന്സര്ഷിപ്പ് കാര്യങ്ങളിലും സഹായിച്ചു. സിനിമയുടെ ഉള്ളടക്കത്തെക്കുറിച്ച് യാതൊന്നും അറിയാതെയാണ് ഇതെല്ലാം ചെയ്തത്. സിനിമയുടെ ടൈറ്റില് കാര്ഡില് തനിക്കും നന്ദി പറഞ്ഞിരുന്നു. എന്നാല് എമ്പാരന്റെ ടൈറ്റില് കാര്ഡില് നിന്നും തന്റെ പേര് മാറ്റാന് ആവശ്യപ്പെട്ടത് നന്ദി പറയാന് മാത്രം സഹായമൊന്നും താന് ചെയ്തില്ലെന്ന തോന്നല് കാരണമാണെന്നും സുരേഷ് ഗോപി പറഞ്ഞു.
സിനിമയോടുള്ള എന്തോ പ്രശ്നം കാരണമാണ് താന് പേര് ഒഴിവാക്കാന് നിര്ദേശിച്ചതെന്നാണ് എമ്പുരാന്റെ പ്രവര്ത്തകര് കരുതിയത്. ആരാണ് ഇങ്ങിനെ പറഞ്ഞുപരത്തിയതെന്ന് അറിയില്ല. കാരണം ഞാന് ഇതുവരെ ഈ സിനിമ കണ്ടിട്ടില്ല. ഇനി കാണാനും പോകുന്നില്ല.- സുരേഷ് ഗോപി പറഞ്ഞു.
ഗുജറാത്ത് കലാപത്തിന്റെ ഒരു വശം മാത്രമാണ് ഈ സിനിമയില് കാണിക്കുന്നത്. ഒരാള് ഇസ്ലാമിക മതമൗലികവാദിയാകുന്നതിനെ ന്യായീകരിക്കുന്നതായതിനാല് എമ്പുരാനെതിരെ വന്വിമര്ശനങ്ങള് ഉയര്ന്നിരുന്നു. സിനിമയുടെ നിര്മ്മാതാക്കള്ക്ക് തന്നെ തലവേദന തോന്നിയതുകൊണ്ടാണ് അവര് പിന്നീട് സിനിമയിലെ ചില ഭാഗങ്ങള് റീഷൂട്ട് ചെയ്ത് മാറ്റിയതെന്നും സുരേഷ് ഗോപി പറഞ്ഞു.
.
