തിരുവനന്തപുരം: ശബരിമല തീര്ഥാടകരുടെ സുരക്ഷ ഉറപ്പാക്കണമെന്ന് ആവശ്യപ്പെട്ട് കേരളത്തിന് കര്ണാടക ചീഫ് സെക്രട്ടറിയുടെ കത്ത്. കേരള ചീഫ് സെക്രട്ടറി എ ജയതിലകിനാണ് കര്ണാടകം കത്തയച്ചത്.
മതിയായ സുരക്ഷയും ഗതാഗത സൗകര്യവും ഉറപ്പാക്കണമെന്നാണ് കത്തിലെ ആവശ്യം.ലക്ഷക്കണക്കിന് അയ്യപ്പ ഭക്തരാണ് കര്ണാടകയില് നിന്ന് എത്തുന്നതെന്നും തീര്ഥാടകരുടെ സുരക്ഷ ഉറപ്പാക്കാന് നടപടി സ്വീകരിക്കണമെന്നും കത്തില് പറയുന്നു.
അതേസമയം ശബരിമല ദര്ശനത്തിന് അനുവദിക്കുന്ന സ്പോട്ട് ബുക്കിംഗ് 5000 ആയി നിജപ്പെടുത്തി. ഹൈക്കോടതി നിര്ദ്ദേശ പ്രകാരമാണിത്. നിലയ്ക്കല്, വണ്ടിപ്പെരിയാര് കേന്ദ്രങ്ങളില് മാത്രമായിരിക്കും സ്പോട്ട് ബുക്കിംഗ് ലഭ്യമാകുക.
നിയന്ത്രണം കടുപ്പിച്ചതോടെ വ്യാഴാഴ്ച തീര്ത്ഥാടകര്ക്ക് സുഗമമായി ദര്ശനം സാധ്യമായി. പരാതികളും കുറഞ്ഞു.
