കൊച്ചി: മുഖ്യമന്ത്രി പിണറായി വിജയന്റെ മകളും മന്ത്രി മൊഹമ്മദ് റിയാസിന്റെ ഭാര്യയുമായ വീണ വിജയന് ഉള്പ്പെട്ട മാസപ്പടി കേസില് സിബിഐ അന്വേഷണം ആവശ്യപ്പെട്ടുള്ള ഹര്ജിയില് ഹൈക്കോടതിയുടെ പുതിയ ബെഞ്ച് വിശദ വാദം കേള്ക്കും. ജസ്റ്റിസ് അനില് നരേന്ദ്രന്റെ അധ്യക്ഷതയിലുളള ബെഞ്ച് ഹര്ജി ഫയലില് സ്വീകരിച്ചു. ഹര്ജിയില് എതിര്കക്ഷികള്ക്ക് കോടതി നോട്ടീസ് അയച്ചിട്ടുണ്ട്.നേരത്തെ രണ്ട് ഡിവിഷന് ബെഞ്ചുകള് ഹര്ജിയില് വാദം കേള്ക്കുന്നതില് നിന്ന് പിന്മാറിയിരുന്നു.
പിണറായി വിജയന്റെ മകള് ടി വീണ ഉള്പ്പെടെ ഉളളവര്ക്കെതിരെ സിബിഐ അന്വേഷണം വേണമെന്ന് ആവശ്യപ്പെട്ട് മാധ്യമ പ്രവര്ത്തകന് എം ആര് അജയനാണ് ഹൈക്കോടതിയില് ഹര്ജി സമര്പ്പിച്ചത്. ഇന്ററിം സെറ്റില്മെന്റ് ബോര്ഡിലെ രേഖകള് കണക്കിലെടുത്ത് അന്വേഷണം സിബിഐക്ക് വിടണമെന്നാണ് ഹര്ജിയിലെ ആവശ്യം. സി എം ആര് എല്, എക്സാലോജിക്, ശശിധരന് കര്ത്ത, സി എം ആര് എല് ഉദ്യോഗസ്ഥര് ഉള്പ്പടെയുള്ളവരാണ് മറ്റ് എതിര്കക്ഷികള്. മാസപ്പടി കേസില് വിജിലന്സ് അന്വേഷണം ആവശ്യപ്പെട്ടുള്ള ഹര്ജികള് നേരത്തെ ഹൈക്കോടതി തള്ളിയിരുന്നു.
Main
