വയനാട് : അട്ടമലയില് ആദിവാസി യുവതിയെ വനത്തില് കാണാതായി. ഏറാട്ടുകുണ്ട് ഉന്നതിയിലെ കൃഷ്ണന്റെ ഭാര്യ ലക്ഷ്മിയെ (ശാന്ത) ആണ് കാണാതായത്.ലക്ഷ്മി എട്ട് മാസം ഗര്ഭിണിയാണ്.
ഏറാട്ടുകുണ്ട് മേഖലയ്ക്ക് താഴെ നിലമ്പൂര് വനമാണ്. ഇവിടെയാണ് പ്രധാനമായും വനംവകുപ്പും പൊലീസും പട്ടികവര്ഗ വകുപ്പും ചേര്ന്ന് പരിശോധന നടത്തുന്നത്.
സെപ്തംബറില് ഇവരെ വൈത്തിരി ആശുപത്രിയില് പരിശോധനയ്ക്ക് എത്തിച്ചിരുന്നു. പ്രത്യേക സജ്ജീകരണം ഒരുക്കിയാണ് ചികിത്സ നല്കിയത്. ഇതിനുശേഷം ഇവര് ഉന്നതിയിലേക്ക് മടങ്ങി.പണിയ വിഭാഗത്തില് ഉള്പ്പെട്ട ഇവര് വനമേഖലയിലെ ഗുഹകളിലും മറ്റും താമസിക്കാറുണ്ട്.കാണാതായ യുവതി പുറംലോകവുമായി അധികം ബന്ധപെട്ടിരുന്നില്ലായെന്നാണ് നാട്ടുകാര് പറയുന്നത്. ശ്രേയസ് എന്ന സന്നദ്ധ സംഘടന ഇടപെട്ടാണ് യുവതിയുടെ മൂന്ന് കുട്ടികളെ ഹോസ്റ്റലിലേക്ക് മാറ്റിയത്.
