പത്തനംതിട്ട: തീവ്ര വോട്ടര് പട്ടിക പരിഷ്കരണത്തിന്റെ ഭാഗമായുള്ള എന്യൂമറേഷന് ഫോം പൂരിപ്പിച്ച് വാങ്ങാന് വീട്ടിലെത്തിയ ബൂത്ത് ലെവല് ഓഫീസര്ക്ക് വളര്ത്തുനായയുടെ കടിയേറ്റു. പത്തനംതിട്ട മണിപ്പുഴയ്ക്ക് സമീപത്തെ വീട്ടില്വച്ച് തിങ്കളാഴ്ച വൈകുന്നേരം ആറ് മണിയോടെയാണ് സംഭവം.
തിരുവല്ല കടപ്ര സബ് രജിസ്ട്രാര് ഓഫീസിലെ ജീവനക്കാരി രശ്മിക്കാണ് നായയുടെ കടിയേറ്റത്. വീടിന്റെ ഗേറ്റ് തുറന്ന് രശ്മി അകത്തുകയറിയപ്പോള് നായയെ കുളിപ്പിക്കാന് കൊണ്ടുപോകുകയായിരുന്നു ഉടമ.
ഉടമയുടെ പിടിവിട്ടുവന്ന നായ രശ്മിയെ കടിക്കുകയായിരുന്നു. ബിഎല്ഓ താലൂക്ക് ആശുപത്രിയില് ചികിത്സ തേടി. നായയ്ക്ക് പേവിഷബാധയ്ക്കെതിരായ കുത്തിവെപ്പ് നല്കിയതാണെന്ന് ഉടമ പറഞ്ഞു.
