ന്യൂദല്ഹി: കഴിഞ്ഞ ദിവസം അറസ്റ്റിലായ ചെങ്കോട്ട സ്ഫോടനക്കേസിലെ പ്രതി അമീര് റാഷിദ് അലിയെ ദല്ഹി കോടതി പത്തുദിവസത്തേയ്ക്ക് എന്ഐഎയുടെ കസ്റ്റഡിയില് വിട്ടു. മുഖ്യപ്രതി ഉമര് മുഹമ്മദ് നബിയുമായി ഗൂഢാലോചന നടത്തിയ കശ്മീര് നിവാസിയായ അമീര് റാഷിദ് അലിയെ കസ്റ്റഡിയില് ചോദ്യം ചെയ്യണമെന്ന എന്ഐഎയുടെ അപേക്ഷ പ്രിന്സിപ്പല് ഡിസ്ട്രിക്റ്റ് ആന്ഡ് സെഷന്സ് കോടതി അംഗീകരിക്കുകയായിരുന്നു. സ്ഫോടനത്തിന് ഉപയോഗിച്ച കാര് രജിസ്റ്റര് ചെയ്തിട്ടുള്ളത് അലിയുടെ പേരിലാണ്. വിപുലമായ തിരച്ചില് ഓപ്പറേഷനില് ഡല്ഹിയില് നിന്നാണ് ഇയാളെ പിടികൂടിയത്.
ഡല്ഹി പോലീസ്, ജമ്മു കശ്മീര് പോലീസ്, ഹരിയാന പോലീസ്, ഉത്തര്പ്രദേശ് പോലീസ്, നിരവധി കേന്ദ്ര ഏജന്സികള് എന്നിവയുമായി ഏകോപിപ്പിച്ചാണ് എന്ഐഎ അന്വേഷണം നടത്തുന്നത്.
















