ന്യൂദല്ഹി:: രാഹുല് ഗാന്ധിയുടെ നാടാറുമാസം കാടാറുമാസം പരിപാടികൊണ്ടൊന്നും ബിജെപിയെ നേരിടാന് കഴിയില്ലെന്ന് മാധ്യമപ്രവര്ത്തകന് കെ.ജെ. ജേക്കബ്ബ്. നിന്ന നില്പില് ഒരോന്നുണ്ടാക്കി നരേന്ദ്രമോദിയെ നേരിടാനാവില്ലെന്നും വോട്ട് ചോരി ആരോപണത്തെക്കുറിച്ചുള്ള ചോദ്യത്തിന് മറുപടിയായി കെ.ജെ. ജേക്കബ് തുറന്നടിച്ചു. ഡെക്കാന് ക്രോണിക്കിള് പത്രത്തിന്റെ എക്സിക്യൂട്ടീവ് ഡയറക്ടറാണ് കെ.ജെ. ജേക്കബ്ബ്.
ബിജെപി ഒരു 24-7 ഇലക്ഷന് യന്ത്രമാണ്. എങ്ങിനെയാണ് ഒരു ഇലക്ഷന് ജയിക്കേണ്ടത് എന്ന തന്ത്രം ഓരോ നിമിഷവും ചിന്തിക്കുന്നു. അതിനെതിരെ ഇടയ്ക്ക് എന്തെങ്കിലും പറഞ്ഞ് പിന്നെ സ്ഥലം വിടുന്ന രാഹുല് ഗാന്ധിയുടെ കാടാറുമാസം നാടാറുമാസം രീതികൊണ്ടൊന്നും ബിജെപിയെ നേരിടാന് പറ്റില്ല. – കെ.ജെ.ജേക്കബ്ബ് വിലയിരുത്തുന്നു.അല്പം അധ്വാനിക്കുമ്പോള് തന്നെ ടൂറടിക്കാന് പോകുന്ന രാഹുല് ഗാന്ധിയുടെ അലസമായ മനോഭാവത്തെയാണ് ജേക്കബ് വിമര്ശിക്കുന്നത്.
നിങ്ങള് നേരിടുന്നത് ആര്എസ്എസിനെയാണെന്ന് മനസ്സിലാക്കാത്ത ഒരു രാഷ്ട്രീയക്കാരനാണ് രാഹുല് ഗാന്ധി. പൊടുന്നനെ എന്തെങ്കിലുമൊക്കെ വിമര്ശനങ്ങള് ഉയര്ത്തിയതുകൊണ്ടൊന്നും മോദിയെ നേരിടാന് രാഹുല് ഗാന്ധിക്ക് കഴിയില്ല. – അദ്ദേഹം പറഞ്ഞു.
