കൊല്ലം: ഷേക്സ്പിയര് നാടകങ്ങളില് ഏറ്റവും ശ്രദ്ധേയയായ പെണ്കഥാപാത്രം. ആ കാലത്തെയും പുതുകാലത്തിന്റെ ഇനിയും മാറാത്ത ചട്ടങ്ങളെയും സന്തോഷിപ്പിക്കാന് കഴിയുന്ന പെണ്ണ്. അതായിരുന്നു ഡെസ്റ്റിമോണ എന്ന കഥാപാത്രം. കൊല്ലം വെസ്റ്റ് ജില്ലാ തദ്ദേശ സ്വയംഭരണ തെരഞ്ഞെടുപ്പില് ഷേക്സ്പിയറിന്റെ ആ കഥാപാത്രത്തിന്റെ പേരിലും ഒരാള് മത്സര രംഗത്തുണ്ട്. കൊല്ലം കോര്പറേഷന് പാലത്തറ ഡിവിഷനിലെ എന്ഡിഎ സ്ഥാനാര്ത്ഥിയായ ആര്. ഡെസ്റ്റിമോണയാണ് പേരുകൊണ്ടും വ്യത്യസ്തയാകുന്നത്.
തന്റെ പേരിന്റെ പിന്നിലെ രഹസ്യം ചോദിച്ചപ്പോള് അച്ഛന് വലിയ കഥാപ്രസംഗ പ്രേമിയും കലാകാരനുമായിരുന്നുവെന്നും ഷേക്സ്പിയര് നാടകത്തിലെ കഥാപാത്രമായ ഡസ്റ്റിമോണയുടെ പേരില് നിന്ന് പ്രചോദനം ഉള്ക്കൊണ്ട് തനിക്ക് പേരിടുകയുമായിരുന്നുവെന്നുമാണ് ഡെസ്റ്റിമോണയുടെ മറുപടി.
ബാലഗോകുലത്തിലൂടെ ആണ് ഡെസ്റ്റിമോണ സാമൂഹിക പ്രവര്ത്തന രംഗത്തേക്ക് കടന്നുവരുന്നത്. സ്ഥാനാര്ത്ഥിയാകുന്നതിന് കുടുംബാംഗങ്ങളുടെ ഭാഗത്ത് നിന്ന് വലിയൊരു പ്രചോദനമായിരുന്നു ലഭിച്ചതെന്ന് ഡെസ്റ്റിമോണ പറയുന്നു. വിജയം കൈവരിക്കാന് കഴിഞ്ഞാല് അഴിമതിരഹിതമായ ഒരു ഭരണമാണ് ആഗ്രഹിക്കുന്നതെന്നും ജനങ്ങളിലൊരാളായി നിന്ന് അവരോടോപ്പം പ്രവര്ത്തിക്കാനാണ് താത്പര്യമെന്നും ഡെസ്റ്റിമോണ പറഞ്ഞു.
പതിനഞ്ചു വര്ഷമായി ഇഎസ്ഐ, പിഎഫ് കണ്സള്ട്ടന്റായി സേവനമനുഷ്ഠിക്കുകയാണ്. പാലത്തറയില് റസിഡന്സ് അസോസിയേഷന് ജോയിന്റ് സെക്രട്ടറിയായും പ്രവര്ത്തിക്കുന്നുണ്ട്. കൂനമ്പായിക്കുളം ക്ഷേത്ര ആഘോഷകമ്മിറ്റി ഭാരവാഹിയുമാണ്. വടക്കേവിള മുള്ളുവിള അഷ്ടമിരോഹിണി വീട്ടില് വിജയകുമാര് ആണ് ഭര്ത്താവ്. മക്കള്: അനാമിക, അക്ഷര.
.
