തിരുവനന്തപുരം: തദ്ദേശ തെരഞ്ഞെടുപ്പില് സിപിഎമ്മിന് തലവേദനയായി മുന് പ്രസ് ക്ളബ്ബ് പ്രസിഡന്റുമാര്. തലസ്ഥാനത്തെ അറിയപ്പെടുന്ന സിപിഎം പ്രവര്ത്തകരായിരുന്ന
രണ്ടു മാധ്യമ പ്രവര്ത്തകര് വിമതരായി മത്സരിക്കുന്നു. കെ ശ്രീകണ്ഠനും എം രാധാകൃഷ്ണനും. ശ്രീകണ്ഠന് ദേശാഭിമാനിയുടെ മുന് ബ്യൂറോ ചീഫ്. രാധാകൃഷ്ണന് കേരള കൗമുദിയിലെ മുന് ജീവനക്കാരന്. സെക്രട്ടറി, പ്രസിഡന്റ് എന്നീ നിലകളില് തിരുവനന്തപുരം പ്രസ് കഌബ്ബിനെ നികരവധി തവണ നയിച്ചവരാണ് ഇരുവരും. സിപിഎം ഉള്ളൂര് ലോക്കല് കമ്മിറ്റി അംഗമായ ശ്രീകണ്ഠന് സംസ്ഥാന സര്ക്കാറിന്റെ പ്രതിനിധിയായി കേരളസര്വകലാശാല സെനറ്റിലും അംഗമായിട്ടുണ്ട്.
രണ്ടുപേരും സ്വതന്ത്രരായി മത്സരിക്കുന്നത് സിപിഎമ്മിന്റെ സിറ്റിംഗ് സീറ്റുകളിലാണ്. ശ്രീകണ്ഠന് ശ്രീകാര്യത്തും രാധാകൃഷ്ണന് കണ്ണമ്മൂലയിലും.
തെരഞ്ഞെടുപ്പ് വിജ്ഞാപനം വരും മുന്പേ രാധാകൃഷ്ണന് സ്ഥാനാര്ത്ഥിയായി പ്രചാരണം ആരംഭിച്ചിരുന്നു. പരാജയ ഭീതി വ്യക്തമായതിനാല് സിപിഎം സീറ്റ് ഘടകകക്ഷിയ്ക്ക് നല്കിയിരിക്കുകയാണ്. തെരഞ്ഞെടുപ്പില് സ്ഥാനാര്ത്ഥി എന്ന നിലയില് തയ്യാറെടുക്കാന് കടകംപള്ളി സുരേന്ദ്രന് പറഞ്ഞ ശേഷം മറ്റൊരാളെ സ്ഥാനാര്ത്ഥിയാക്കിയതാണ് ശ്രീകണ്ഠനെ ചൊടിപ്പിച്ചത്.
നഗരസഭയില് സിപിഎമ്മിന് വിമതസ്ഥാനാര്ത്ഥികള് കാണില്ലന്ന് സിപിഎം ജില്ലാ സെക്രട്ടറി വി ജോയി കഴിഞ്ഞ ദിവസം പറഞ്ഞിരുന്നു.വിമതര് ജനാധിപത്യം തുടങ്ങിയ അന്നുമുതലുണ്ടെന്നും സീറ്റ് കിട്ടാത്ത ചിലര് വിമതരാകും എന്നുമായിരുന്നു മന്ത്രി ശിവന്കുട്ടിയുടെ പ്രതികരണം.
