ന്യൂദല്ഹി: വന്വിലക്കിഴിവില് ജീവന്രക്ഷാമരുന്നുകളും അവശ്യമരുന്നുകളും അത്യാവശ്യമെഡിക്കല് ഉപകരണങ്ങളും നല്കുന്ന അമൃതഫാര്മസികളുടെ പത്തോളം പുതിയ ശാഖകള് കൂടി തുറന്ന് ജെ.പി. നദ്ദ. അര്ബുദം, ഹൃദ്രോഗം, ഡെന്റല് തുടങ്ങി വിവിധ വിഭാഗങ്ങളിലെ അവശ്യമരുന്നുകളും ജീവന്രക്ഷാമരുന്നുകളും ശസ്ത്രക്രിയയ്ക്ക് ആവശ്യമായ മരുന്നുകളും 50 ശതമാനം വരെ വിലക്കിഴിവില് നല്കുന്ന കേന്ദ്രങ്ങളാണ് അമൃത് ഫാര്മസികള്.
ജനൗഷധിയില് നിന്നും വ്യത്യസ്തമാണ് അമൃത് ഫാര്മസികള്. 2015ല് ആദ്യ അമൃത് ഫാര്മസികള്. ആദ്യമായി തുറന്നത്. ഇപ്പോള് പത്താംവാര്ഷികാഘോഷത്തിന്റെ ഭാഗമായാണ് പുതുതായി പത്ത് അമൃത് ഫാര്മസികള്. കൂടി തുറന്നത്. ചണ്ഡീഗഢിലെ പിജിഐ ന്യൂറോസയന്സ് സെന്റര്, ജമ്മുവിലെ സ്റ്റേറ്റ് ക്യാന്സര് സെന്റര്, ഡിയോഗറിലെ എയിംസ്, ശ്രീനഗറിലെ ഡെന്റര് ഹോസ്പിറ്റല്, ട്രിവാന്ഡ്രം ശ്രീചിത്ര, മുംബൈ പോര്ട് ട്രസ്റ്റ്, ഐഐടി ജോധ് പൂര്, ഗോരഖ് പൂര് എയിംസ്, കല്യാണി യൂണിറ്റ് 3 എയിംസ് എന്നിവിടങ്ങളിലായാണ് പുതിയ 10 അമൃത് ഫാര്മസികള്. തുറക്കുന്നത്.
രാജ്യത്തെ ജനങ്ങള്ക്ക് കയ്യിലൊതുങ്ങുന്ന വിലയില് എളുപ്പം ലഭ്യമാവുന്ന രീതിയില് മരുന്ന് എത്തിക്കുക എന്ന ലക്ഷ്യത്തോടെയാണ് 2014ല് ജനൗഷധിയും അമൃത് ഫാര്മസികളും ആരംഭിച്ചതെന്ന് ജെ.പി. നദ്ദ പറഞ്ഞു.
ഏകദേശം 6500 വിവിധ മരുന്നുകളും മെഡിക്കല്ഉപകരണങ്ങളും ലഭ്യമാണ്. വില്പനവിലയേക്കാള് 50 ശതമാനം വരെ കിഴിവിലാണ് മരുന്ന് നല്കുക. ബ്രാന്ഡഡ് മരുന്നുകളും ഇതേ വിലക്കിഴിവില് ലഭിയ്ക്കും എന്നതാണ് പ്രത്യേകത.
ഇതിനകം 17000 കോടി രൂപയുടെ മരുന്നുകള് വിതരണം ചെയ്തു. ഇതില് 8500 കോടിയുടെ ഡിസ്കൗണ്ട് ജനങ്ങള്ക്ക് നല്കിയെന്നും നദ്ദ പറഞ്ഞു. എയിംസ് ഉള്പ്പെടെ ദേശീയപ്രാധാന്യമുള്ള ഇടങ്ങളിലാണ് അമൃത് ഫാര്മസികള്. തുറക്കുന്നത്. ഇതുവരെ 255 ക്ലിനിക്കുകള് തുറന്നു. അമൃത് ഫാര്മസികളുടെ എണ്ണം 500 ആക്കി ഉയര്ത്താന് നടപടികള് സ്വീകരിക്കണമെന്ന് ജെ.പി. നദ്ദ അമൃത് ഫാര്മസികള്. തുറക്കുന്ന ചുമതലയുള്ള എച്ച് എല്എല് ലൈഫ് കെയറിനോട് ആവശ്യപ്പെട്ടു.
