തിരുവനന്തപുരം: വെട്ടുകാട് തിരുന്നാളിനോട് അനുബന്ധിച്ച് തിരുവനന്തപുരത്ത് വെളളിയാഴ്ച പ്രഖ്യാപിച്ച പ്രാദേശിക അവധിയില് മാറ്റം. തദ്ദേശ തിരഞ്ഞെടുപ്പുമായി ബന്ധപ്പെട്ട സര്ക്കാര് സ്ഥാപനങ്ങള് വെളളിയാഴ്ച ഉച്ചയ്ക്ക് ശേഷം പ്രവര്ത്തിക്കും. തിരഞ്ഞെടുപ്പ് കമ്മിഷനാണ് വാര്ത്താക്കുറിപ്പ് ഇറക്കിയത്. തിരുവനന്തപുരം , നെയ്യാറ്റിന്കര താലൂക്കുകളിലെയും കാട്ടാക്കട താലൂക്കിലെ 10 വില്ലേജുകളുടെ പരിധിയിലെ സ്ഥാപനങ്ങളും പ്രവര്ത്തിക്കും. ഈ സര്ക്കാര് സ്ഥാപനങ്ങളെ അവധിയില് നിന്ന് ഒഴിവാക്കിയതായി സംസ്ഥാന തിരഞ്ഞെടുപ്പ് കമ്മിഷന് അറിയിച്ചു.
ജില്ലാ കളക്ടറാണ് നേരത്തേ അവധി പ്രഖ്യാപിച്ചിരുന്നത്.എന്നാല് പൊതുപരീക്ഷകള് നേരത്തെ നിശ്ചയിച്ച പ്രകാരം നടക്കുമെന്നും കളക്ടര് അറിയിച്ചിരുന്നു.തിരുന്നാള് കൊടിയേറ്റ് കര്മ്മം വൈകിട്ട് ഇടവക വികാരി ഫാ. വൈ.എം. എഡിസണ് നിര്വഹിക്കും.
21ന് നടക്കുന്ന പൊന്തിഫിക്കല് ദിവ്യബലിക്ക് നെയ്യാറ്റിന്കര രൂപത ബിഷപ്പ് ഡോ.സെല്വരാജന് മുഖ്യകാര്മ്മികത്വം വഹിക്കും. 22നാണ് പ്രദക്ഷിണം.
