ന്യൂയോര്ക്ക് : രാജ്യത്ത് വൈദഗ്ധ്യമുള്ള തൊഴിലാളികളെ ആവശ്യമാണെന്ന് യുഎസ് പ്രസിഡന്റ് ഡൊണാള്ഡ് ട്രംപ് . അതേസമയം വിസാ നിയമങ്ങള് കര്ശനമാക്കിയത് വിദഗ്ധ തൊഴിലാളികളെ തേടുന്ന സ്ഥാപനങ്ങള്ക്ക് ബുദ്ധിമുട്ടാകാമെന്നും അദ്ദേഹം പറഞ്ഞു. ഒരു അഭിമുഖത്തില്, എച്ച് -1 ബി വിസകള്ക്ക് മുന്ഗണന തുടരുമോ എന്ന ചോദ്യത്തോടു പ്രതികരിക്കുകയായിരുന്നു അദ്ദേഹം.
യുഎസില് ധാരാളം കഴിവുള്ള ആളുകള് ഉണ്ടെന്ന അഭിമുഖകാരന്റെ അഭിപ്രായത്തോട് ട്രംപ് വിയോജിച്ചു. ‘നമ്മള്ക്ക് ചില കഴിവുകള് ഇല്ല. നമ്മള് പഠിക്കണം, ആളുകള് പഠിക്കണം. അദ്ദേഹം പറഞ്ഞു.
വിദേശ പ്രതിഭകളെ നിയമിക്കുന്നതിന് ടെക്നോളജി മേഖല വളരെയധികം ആശ്രയിക്കുന്ന എച്ച് -1 ബി വിസയ്ക്ക് 100,000 ഡോളര് അപേക്ഷാ ഫീസ് ഏര്പ്പെടുത്തിയതിന് മാസങ്ങള്ക്ക് ശേഷമാണ് ട്രംപിന്റെ പുതിയ പ്രസ്താവന.
















