ന്യൂദല്ഹി: പാകിസ്ഥാനിലെ ജെയ്ഷ് എ മുഹമ്മദ് കേന്ദ്രവും ഫരീദാബാദിലെ രഹസ്യഭീകരസംഘവും തമ്മില് പണം കൈമാറിയിരുന്നത് ബിറ്റ് കോയിന് വഴി. ബിനാന്സ് എന്ന ബിറ്റ് കോയിനാണ് ഉപയോഗിക്കപ്പെട്ടതെന്ന് മുന് കേണല് മയാങ്ക് ചൗബെ വിലയിരുത്തുന്നു. ആയുധരംഗത്തെ വിദഗ്ധന് കൂടിയാണ് ഇദ്ദേഹം.
പാകിസ്ഥാന് രഹസ്യ ഏജന്സിയായ ഐഎസ്ഐ ജമ്മു കശ്മീരില് അവരുടെ ഭീകരവാദശൃംഖല വളര്ത്താനും ഭീകരര്ക്ക് പണം നല്കാനും ഉപയോഗിക്കുന്നത് ബിറ്റ് കോയിനാണ്. ഹരിയാനയിലെ ഫരീദാബാദില് അല് ഫല മെഡിക്കല് കോളെജും യൂണിവേഴ്സിറ്റിയുമായി ബന്ധപ്പെട്ട ഡോക്ടര്മാരും പ്രൊഫസര്മാരും അടങ്ങിയ വിദ്യാസമ്പന്നരാണ് ജെയ്ഷ് എ മുഹമ്മദ് എന്ന പാക് ഭീകരസംഘടനകയുടെ അനുയായികളായി പ്രവര്ത്തിച്ചിരുന്നതെന്നിനാല് ഇത്തരം ആധുനിക രീതിയിലുള്ള പണമിടപാട് അവര്ക്ക് തലവേദനയേ അല്ല.
പൊതുവേ ഐഎസ് ഐയും ജെയ്ഷ് എ മുഹമ്മദും ലഷ്കര് എ ത്വയിബയും എല്ലാം ഡിജിറ്റല് വാലറ്റ് ആണ് പണമിടപാടിന് ഉപയോഗിക്കുന്നത്. ഈസിപൈസ, സാദാപേ തുടങ്ങിയ ഡിജിറ്റല് വാലറ്റുകള് പാകിസ്ഥാനിലെ ഭീകരഗ്രൂപ്പുകള് സജീവമായി ഉപയോഗിക്കാറുണ്ട്. ഡിജിറ്റല് വാലറ്റ് വഴിയുള്ള ബിറ്റ് കോയിന് ഇടപാട് വഴി ബാങ്കിംഗ് ശൃംഖലയുടെ കണ്ണുവെട്ടിച്ച് പണമിടപാട് നടത്താന് ഇവര്ക്ക് സാധിക്കുന്നു എന്നതാണ് മെച്ചം. മാത്രമല്ല, ഫിനാന്ഷ്യല് ആക്ഷന് ടാസ്റ്റ് ഫോഴ്സ് (എഫ് എടിഎഫ്) എന്ന കള്ളപ്പണഇടപാട് കണ്ടെത്താന് വേണ്ടി പ്രവര്ത്തിക്കുന്ന അമേരിക്ക ഉള്പ്പെടെയുള്ള ജി7 രാജ്യങ്ങളുടെ സാമ്പത്തിക നിരീക്ഷണ ഏജന്സിയുടെ കണ്ണുവെട്ടിക്കാനും ഈ ഭീകരവാദ സംഘടനകള്ക്ക് സാധിക്കും. ഭീകരസംഘടനകള് കള്ളപ്പണ ഇടപാട് നടത്തുന്നതായി കണ്ടെത്തിയാല് എഫ് എ ടിഎഫ് ഇവരെ നിരോധിക്കും. ഹവാല ഇടപാടു വഴിയും ജെയ്ഷ് എ മുഹമ്മദ് ഫരീദാബാദിലെ ഡോക്ടര്മാരുടെ സംഘത്തിന് പണം നല്കിയിരുന്നു.
ഫരീദാബാദിലെ രഹസ്യ ഭീകരസംഘടനയുടെ സാമ്പത്തിക ഇടപാടുകളും വാഹന ഇടപാടുകളും നിയന്ത്രിച്ചിരുന്ന സംഘത്തിലെ വനിതാ ഡോക്ടറായ ഷഹീന് ഷാഹിദ് ആണ്. ഇവരെ കാണാന് നിറയെ പേര് അല് ഫല കാമ്പസില് എത്താറുണ്ടെന്ന് പറയുന്നു. വിചിത്ര സ്വഭാവക്കാരിയാണ് ഡോ. ഷഹീന് ഷാഹിദ് എന്നും പറയുന്നു.
അതുപോലെ റഷ്യയുടെ സമൂഹമാധ്യമ പ്ലാറ്റ് ഫോമായ ടെലഗ്രാം ആണ് ഈ ഭീകരഗ്രൂപ്പ് വിവരങ്ങള് കൈമാറാന് ഉപയോഗിച്ചിരുന്നതെന്നും മുന് കേണല് മായാങ്ക് ചുബെ പറയുന്നു. ടെലഗ്രാമില് രഹസ്യസ്വഭാവത്തില് വാര്ത്താവിനിമയം സാധ്യമാണ്.ചൈനയിലെ ഹോങ്കോങ്ങില് നടന്ന യുവാക്കളുടെ പ്രതിഷേധങ്ങള് പലപ്പോഴും ടെലഗ്രാം വഴിയാണ് നടന്നിരുന്നത്. നിമിഷനേരം കൊണ്ട് നൂറുകണക്കിന് പേര് പ്രകടനസ്ഥലത്ത് എത്തിച്ചേരുന്നത് ടെലഗ്രാം ഗ്രൂപ്പിലെ സന്ദേശം വഴിയാണ്. ഇങ്ങ് കേരളത്തിലെ കൊച്ചിയിലും ഇത്തരം ടെലഗ്രാം ഗ്രൂപ്പുകള് ഇസ്ലാമിക സംഘടനകള് ഉപയോഗിക്കുന്നതായി പറയുന്നു.
