ന്യൂദല്ഹി: ഐആര്സിടിസി അഴിമതി കേസില് ദൈനംദിന വിചാരണ നടത്തുന്നതിനെതിരെ ബിഹാര് മുന് മുഖ്യമന്ത്രിയും രാഷ്ട്രീയ ജനതാദള് അധ്യക്ഷനുമായ ലാലു പ്രസാദ് യാദവും ഭാര്യ റാബ്റി ദേവിയും സമര്പ്പിച്ച ഹര്ജി ഡല്ഹി കോടതി തള്ളി. ഹര്ജി ന്യായീകരിക്കാവുന്നതല്ലെന്ന് റൗസ് അവന്യൂ കോടതികളിലെ പ്രത്യേക ജഡ്ജി പറഞ്ഞു.
പാര്ലമെന്റ് അംഗങ്ങള്ക്കും നിയമസഭാ അംഗങ്ങള്ക്കും എതിരായ കേസുകള് വേഗത്തിലാക്കാനായി ദൈനംദിന അടിസ്ഥാനത്തില് വിചാരണനടത്താന് ഭരണഘടനാ കോടതികള് നിര്ദേശിച്ചിട്ടുണ്ടെന്ന് ഡല്ഹി കോടതി ചൂണ്ടിക്കാട്ടി.
കേന്ദ്ര റെയില്വേ മന്ത്രിയായിരിക്കെ ലാലുപ്രസാദ് യാദവ് റാഞ്ചിയിലെയും പുരിയിലെയും രണ്ട് ഐആര്സിടിസി ഹോട്ടലുകള് കൃത്രിമ ടെന്ഡര് വഴി സുജാത ഹോട്ടല്സ് എന്ന കമ്പനിക്ക് പാട്ടത്തിന് നല്കുകയും പകരമായി കോടിക്കണക്കിന് രൂപ വിലമതിക്കുന്ന ഭൂമി റാബ്റി ദേവിയും മകന് തേജസ്വി യാദവുമായി ബന്ധമുള്ള ഒരു കമ്പനിക്ക് ചെറിയ തുകയ്ക്ക് വാങ്ങിയെടുത്തുവെന്നുമാണ് കേസ്.
ഐആര്സിടിസി അഴിമതി കേസ്: ദൈനംദിന വിചാരണ വേണ്ടെന്ന് ലാലു പ്രസാദ് യാദവ്, നടപ്പില്ലെന്ന് കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.