തിരുവനന്തപുരം:വിമാനത്താവളത്തിലെ സുരക്ഷയുടെ ഭാഗമായുളള പരിശോധനയ്ക്കിടെ വാഹനത്തില് കണ്ട പൊതി എന്തെന്ന ചോദ്യത്തിന് ‘ബോംബ്’ എന്ന വാക്കുപയോഗിച്ച് പരിഭ്രാന്തിപരത്തിയ ഡ്രൈവറെ അറസ്റ്റ് ചെയ്തു.കോഴിക്കാട് വടകര സ്വദേശി സുജിത്തിനെ ആണ് സിഐഎസ്എഫിന്റെ പരാതിയില് വലിയതുറ പൊലീസ് അറസ്റ്റ് ചെയ്തത്.
വിമാനത്താവളത്തിലെ സ്വകാര്യ കരാര് കമ്പനിയുടെ ജീവനക്കാരനാണ് സുജിത്ത്. എയര്സൈഡിലുള്ള സ്വിവറേജ് മാലിന്യം സംഭരിക്കാനെത്തിയ സുജിത്തിന്റെ വാഹനത്തില് പഴങ്ങള് ഉള്പ്പെട്ട പൊതിയുണ്ടായിരുന്നു.ഇത് പരിശോധിക്കുന്നതിനിടെ ‘ബനാന ഈസ് നോട്ട് എ ബോംബ്’ എന്ന് സുജിത് ഉദ്യോഗസ്ഥരോട് പറഞ്ഞു. ഇതേത്തുടര്ന്ന് ഉദ്യോഗസ്ഥര് വാഹനം തടഞ്ഞുവച്ച് അടിയന്തര സാഹചര്യത്തില് വിമാനത്താവളത്തില് ബോംബ് ത്രെഡ് അസസ്മെന്റ് കമ്മിറ്റി കൂടി.
തുടര്ന്ന് വാഹന പരിശോധനയില് ബോംബില്ലെന്ന് കണ്ടെത്തി. അതേസമയം, ബോംബ് എന്ന വാക്കുപയോഗിച്ച് പരിഭ്രാന്തി പരത്തിയതിനെത്തുടര്ന്ന് ഇയാളെ തടഞ്ഞുവച്ച് വലിയതുറ പൊലീസിന് കൈമാറി. ഇയാള്ക്കെതിരെ കേസെടുത്തതായി വലിയതുറ എസ്എച്ച്ഒ വി. അശോക് കുമാര് അറിയിച്ചു.
