പാലക്കാട്: അട്ടപ്പാടിയില് പാതി പണി കഴിഞ്ഞ ആള്താമസമില്ലാത്ത വീട് ഇടിഞ്ഞ് സഹോദരങ്ങളായ കുട്ടികള് മരിച്ചു. കരുവാര ഊരിലാണ് സംഭവം.സഹോദരങ്ങളായ ആദി (7), അജ്നേഷ് (4) എന്നിവരാണ് മരിച്ചത്. അജയ് – ദേവി ദമ്പതികളുടെ മക്കളാണ് മരിച്ചത്.
ബന്ധുവായ അഭിനയ(6) എന്ന കുട്ടിക്ക് ഗുരുതര പരിക്കേറ്റു.ഈ കുട്ടി നിലവില് ചികിത്സയിലാണ്.മുക്കാലിയില് നിന്നും നാല് കിലോമീറ്റര് വനത്തിനുളളിലെ ഊരിലാണ് അപകടം. അപകടത്തില് പെട്ട കുട്ടികളെ വനം വകുപ്പിന്റെ ജീപ്പിലാണ് ആശുപത്രിയില് എത്തിച്ചത്.
കുട്ടികള് കളിക്കാന് പോയപ്പോഴാണ് അപകടം ഉണ്ടായത്. ഇടിഞ്ഞ് വീണ വീടിന്റെ തൊട്ടടുത്താണ് കുട്ടികളുടെ വീട്.എട്ട് വര്ഷമായി ഉപയോഗ ശൂന്യമായി കിടക്കുന്ന വീടാണ് ഇടിഞ്ഞു വീണത്. മഴനനഞ്ഞും വെയില് കൊണ്ടും ദുര്ബലമായ അവസ്ഥയിലായിരുന്നു.
സ്ഥിരമായി കുട്ടികള് ഇതിന് മുകളില് കയറാറുണ്ട്. വീട്ടുകാരും ഈ വീടിന് മുകളില് തുണി ഉണക്കാന് ഇടാന് എത്താറുണ്ട്. സ്കൂള് ഇല്ലാത്തതിനാല് കുട്ടികള് കളിക്കാനെത്തിയപ്പോഴാണ് അപകടം സംഭവിച്ചത്.
