കൊച്ചി: വ്യാജ പുരാവസ്തു സൂക്ഷിപ്പുകാരന് മോന്സണ് മാവുങ്കലിന്റെ കലൂരിലെ വാടകവീട്ടില് കവര്ച്ച. ഏകദേശം 20 കോടി രൂപയുടെ വസ്തുക്കള് നഷ്ടപ്പെട്ടതായാണ് മോന്സന്റെ അഭിഭാഷകന് അവകാശപ്പെട്ടത്. രണ്ടാഴ്ചയ്ക്കുള്ളിലാണ് മോഷണം നടന്നതെന്നാണ് നിഗമനം. വീടിന്റെ സി.സി.ടി.വി. ക്യാമറകള് പൊളിച്ചു മാറ്റിയ നിലയിലാണ്. സംഭവത്തില് പോലീസ് അന്വേഷണം ആരംഭിച്ചു.
പുരാവസ്തുക്കള് എന്ന് അവകാശപ്പെട്ട വസ്തുക്കള് മോന്സണ് സൂക്ഷിച്ചിരുന്നത് കലൂരിലെ ഈ വീട്ടിലായിരുന്നു. ഈ വസ്തുക്കള് മോഷ്ടിക്കപ്പെട്ടത് കേസിനെ ബാധിക്കുമോ എന്ന് വ്യക്തമല്ല.
പുരാവസ്തുതട്ടിപ്പില് ജയിലിലായിരുന്ന മോന്സന് ഇപ്പോള് പരോളില് ഇറങ്ങിയിട്ടുണ്ട്. വീടിന്റെ ഉടമസ്ഥരും മോന്സണ് മാവുങ്കലും കവര്ച്ച സംബന്ധിച്ച് പോലീസില് പരാതി നല്കിയിട്ടുണ്ട്.
