പത്തനംതിട്ട: ശബരിമല മണ്ഡല-മകരവിളക്ക് ഡ്യൂട്ടിക്കായുള്ള സ്പെഷ്യല് ഓഫീസര്മാരുടെ പട്ടികയില് ആരോപണം നേരിടുന്ന ഉദ്യോഗസ്ഥരും. വിവിധ കേസുകളില് ആരോപണം നേരിടുന്ന അങ്കിത് അശോകന്, സുജിത് ദാസ് , വി.ജി വിനോദ്കുമാര് എന്നീ പൊലീസ് ഉദ്യോഗസ്ഥരെയാണ് സ്പെഷ്യല് ഓഫീസര്മാരായി നിയമിച്ചത്.
സന്നിധാനത്തും പമ്പയിലുമാണ് ഇവര്ക്ക് ഡ്യൂട്ടി.മണ്ഡലകാലം തുടങ്ങുമ്പോള് പമ്പയില് സ്പെഷ്യല് ഓഫീസര് ആയി നിയോഗിച്ചിരിക്കുന്നത് അങ്കിത് അശോകനെയാണ്. തൃശൂര് പുരം അലങ്കോലപ്പെട്ടതില് ആരോപണ വിധേയനാണ് അങ്കിത് അശോകന്.
മകരവിളക്ക് വേളയില് സന്നിധാനത്ത് സ്പെഷ്യല് ഓഫീസര് ആയി നിയമിച്ചിരിക്കുന്നത് സുജിത് ദാസിനെയാണ്. പി.വി. അന്വറിന്റെ ആരോപണത്തില് അച്ചടക്ക നടപടി നേരിട്ട ഉദ്യോഗസ്ഥനാണ് ഇദ്ദേഹം.സസ്പന്ഷനിലായിരുന്ന സുജിത് ദാസ് ഇപ്പോള് എ.ഐ.ജിയാണ്.
സന്നിധാനത്തെ സ്പെഷ്യല് ഓഫീസര് റിസര്വ് പട്ടികയിലാണ് വി.ജി വിനോദ് കുമാര് ഉള്പ്പെട്ടിട്ടുളളത്. വനിതാ എസ്.ഐമാരുടെ പരാതിയില് വകുപ്പുതല അന്വേഷണം നേരിടുന്ന ആളാണ് വിനോദ് കുമാര്. വാഹനാപകടകേസിലും ആരോപണ വിധേയനാണ്.
