തിരുവനന്തപുരം:വോട്ടര്പട്ടിക പരിഷ്കരണത്തില് എല്ലാവരും പങ്കാളികളാകണമെന്ന് നടന് മധു.എല്ലാവരും ഇതില് പങ്കെടുക്കണമെന്നും ഇത് കടമയാണെന്നും അദ്ദേഹം പറഞ്ഞു.മുതിര്ന്നവരും ഇതിന്റെ ഭാഗമാകണം.
നാടിന്റെയും നമ്മുടെയും നന്മക്ക് വേണ്ടി ഉള്ളത് ആണ് വോട്ടര്പട്ടിക പരിഷ്കരണമെന്നും മധു പറഞ്ഞു. വോട്ടര്പട്ടിക പരിഷ്കരണത്തിന് എനുമറേഷന് ഫോം നല്കാനായി മുഖ്യ തെരഞ്ഞെടുപ്പ് ഓഫീസര് രത്തന് ഖേല്ക്കര് വീട്ടില് എത്തിയപ്പോഴായിരുന്നു നടന് മധു ഇങ്ങനെ പറഞ്ഞത്.
ജനങ്ങളില് നിന്ന് നല്ല സഹകരമാണ് ലഭിക്കുന്നത്. ജനം പിന്തുണ തുടരണം എന്നാണ് അഭ്യര്ത്ഥനയെന്നും മുഖ്യ തെരഞ്ഞെടുപ്പ് ഓഫീസര് രത്തന് ഖേല്ക്കര് പ്രതികരിച്ചു. നടന് മധു പറഞ്ഞത് പോലെ എല്ലാവരും പങ്കാളികള് ആകണം. ഇതിന്റെ പുരോഗതി കണക്കിലെടുമ്പോള് ഫോം പൂരിപ്പിക്കല് 20 ദിവസത്തിനുള്ളില് പൂര്ത്തിയാകുമെന്നാണ് കരുതുന്നത്. ഒരാള്ക്കും വോട്ടവകാശം നഷ്ടമാകില്ലെന്നും അര്ഹരായ എല്ലാവരും പട്ടികയില് ഉണ്ടാകുമെന്നും മുഖ്യ തെരഞ്ഞെടുപ്പ് ഓഫീസര് പറഞ്ഞു.
രാഷ്ട്രീയ പാര്ട്ടികളുടെ പിന്തുണ ഉണ്ടാകുമെന്ന് കരുതുന്നത്. ജനം ആവേശത്തോടെയാണ് ബിഎല്ഒമാരെ സ്വീകരിക്കുന്നത്. സംശയങ്ങള് ഉണ്ടെങ്കില് പരിഹരിച്ചു മുന്നോട്ട് പോകും. 2002 ലെ വോട്ടര് പട്ടിക എല്ലാ രാഷ്ട്രീയ കക്ഷികള്ക്കും നല്കും. എല്ലാവരും സഹകരിച്ചാല് പരാതികളോ പ്രയാസമോ ഇല്ലാതെ തീവ്ര വോട്ടര് പട്ടിക പരിഷ്കരണം പൂര്ത്തീകരിക്കാനാവുമെന്നും മുഖ്യ തെരഞ്ഞെടുപ്പ് ഓഫീസര് വ്യക്തമാക്കി.
