തിരുവനന്തപുരം:വര്ക്കലയില് പെണ്കുട്ടിയെ കേരള എക്സ്പ്രസില് നിന്ന് മദ്യപന് ചവിട്ടിയിട്ട സംഭവത്തില് ട്രെയിനിനുളളിലെ സിസിടിവി ദൃശ്യങ്ങള് അന്വേഷണസംഘം ശേഖരിച്ചു. പെണ്കുട്ടികളെ സുരേഷ് ആക്രമിക്കുന്നത് ദൃശ്യങ്ങളില് വ്യക്തമാണ്.
പുകവലി ചോദ്യം ചെയ്തതാണ് പ്രതി വെളളറട പനച്ചുമൂട് സ്വദേശി സുരേഷ് കുമാറിനെ പ്രകോപിപ്പിച്ചത്.മാറിനിന്നില്ലെങ്കില് പരാതിപ്പെടുമെന്ന് പെണ്കുട്ടികള് പറഞ്ഞപ്പോള് വാതിക്കലില് നിന്ന് ഇയാള് ചവിട്ടി പുറത്തിടുകയായിരുന്നു.
അതേസമയം ആക്രമിക്കപ്പെട്ട ശ്രീക്കുട്ടി(19)യുടെ ആരോഗ്യസ്ഥിതി മാറ്റമില്ലാതെ തുടരുകയാണ്. വീഴ്ചയുടെ ആഘാതത്തില് തലയില് പലയിടത്തും ചതവുകള് ഉണ്ട്,.തലച്ചോറിനേറ്റ പരിക്ക് ഗുരുതരമാണ്.
ആക്രമണം നടത്തിയ സുരേഷ് കുമാറിനെതിരെ വധശ്രമത്തിന് കേസ് എടുത്തു. മജിസ്ട്രെറ്റിന്റെ വീട്ടില് തിങ്കളാഴ്ച രാത്രി ഹാജരാക്കിയ പ്രതിയെ റിമാന്റ് ചെയ്തു. ഉടന് തന്നെ പ്രതിക്കായി പൊലീസ് കസ്റ്റഡി അപേക്ഷ നല്കും.
