തിരുവനന്തപുരം: തൃശൂരില് നടക്കാനിരിക്കുന്ന 64-ാമത് സംസ്ഥാന സ്കൂള് കലോത്സവ തീയതികളില് മാറ്റം. 2026 ജനുവരി 14 മുതല് 18 വരെയാണ് കലോത്സവം നടക്കുകയെന്ന് വിദ്യാഭ്യാസ വകുപ്പ് അറിയിച്ചു.
നേരത്തെ കലോത്സവം ജനുവരി ഏഴു മുതല് 11 വരെ നടത്താനാണ് തീരുമാനിച്ചിരുന്നത്. സാങ്കേതിക കാരണങ്ങളാലാണ് തീയതി മാറ്റം. ഉത്സവ സീസണ് ആയതിനാല് ഗ്രൗണ്ടുകള് ലഭിക്കാന് പ്രയാസമുണ്ടാകുമെന്ന് റിപ്പോര്ട്ടുകളുണ്ടായിരുന്നു.
ഈ സാഹചര്യത്തിലാണ് തീയതി മാറ്റാന് തീരുമാനം എന്നാണ് സൂചന. സംസ്ഥാനത്തിന്റെ വിവിധ ഭാഗങ്ങളില് നിന്നുള്ള ഏകദേശം 14,000 വിദ്യാര്ഥികള് 249 ഇനങ്ങളിലായി മേളയില് പങ്കെടുക്കും.
