തിരുവനന്തപുരം: കേരള എക്സ്പ്രസില് കഴിഞ്ഞ രാത്രി 19 കാരിക്ക് നേരെ മദ്യപന്റെ ആക്രമണം ഉണ്ടായപ്പോള് ട്രെയിനില് റെയില്വേ സുരക്ഷാ സേനയുടെയോ കേരള പൊലീസിന്റെയോ സുരക്ഷാ ഉദ്യോഗസ്ഥരില്ലായിരുന്നുവെന്നാണ് വിവരം.രാത്രികാലങ്ങളില് രണ്ടു പൊലീസ് ഉദ്യോഗസ്ഥരെങ്കിലും സുരക്ഷാ ഡ്യൂട്ടിക്ക് വേണമെന്നാണ് വ്യവസ്ഥ.എന്നാല് ഞായറാഴ്ച രാത്രിയില് കൊല്ലത്തുനിന്നു തിരുവനന്തപുരം ഭാഗത്തേക്ക് ട്രെയിന് പുറപ്പെട്ടപ്പോള് ഡ്യൂട്ടിക്ക് പൊലീസ് ഇല്ലായിരുന്നു.
രാത്രി സര്വീസ് നടത്തുന്ന ട്രെയിനുകളില് സുരക്ഷയ്ക്ക് ആവശ്യത്തിന് പൊലീസുകാര് ഇല്ലായെന്ന ആരോപണം ഉയര്ന്നിട്ടുണ്ട്.ജനറല് കമ്പാര്ട്ട്മെന്റുകളില് ഒന്നില് പോലും പൊലീസിന്റെ സാന്നിധ്യം ഉണ്ടായിരുന്നില്ലെന്നാണ് യാത്രക്കാര് പറഞ്ഞത്.
ട്രെയിനില് നടക്കുന്ന കുറ്റകൃത്യങ്ങള് കണക്കിലെടുത്താണ് പൊലീസ് സുരക്ഷയൊരുക്കുന്നതെന്നാണ് റെയില്വേ സുരക്ഷാ സേന പറയുന്നത്. അതിന് ക്രൈംപാറ്റേണ് ഉണ്ടെന്നും കേരള എക്സ്പ്രസില് നിലവില് കുറ്റകൃത്യങ്ങള് റിപ്പോര്ട്ട് ചെയ്തിട്ടില്ലെന്നുമാണ് ആര്പിഎഫ് പറയുന്നത്.
