പത്തനംതിട്ട:ശബരിമല കട്ടിളപ്പാളി കേസില് ഉണ്ണികൃഷ്ണന് പോറ്റിക്കെതിരെ ശക്തമായ തെളിവുകളും സാക്ഷി മൊഴികളും ലഭിച്ചിട്ടുണ്ടെന്ന് പ്രത്യേക അന്വേഷണ സംഘം കോടതിയെ അറിയിച്ചു.ഉണ്ണികൃഷ്ണന് പോറ്റിയുടെ റിമാന്ഡ് റിപ്പോര്ട്ടിലാണ് ഇങ്ങനെ പറയുന്നത്.
കട്ടിളപ്പാളികളില് സ്വര്ണം പൊതിഞ്ഞിരുന്നത് അറിയാമായിരുന്ന ഉണ്ണികൃഷ്ണന് പോറ്റി പാളികള് ചെന്നൈയിലെത്തിച്ച് സ്വര്ണം വേര്തിരിച്ചു.ഉണ്ണികൃഷ്ണന് പോറ്റി മറ്റ് പ്രതികളുമായി ചേര്ന്ന് ഗൂഢാലോചന നടത്തിയെന്നും പോറ്റി നടത്തിയത് വിശ്വാസ വഞ്ചനയാണെന്നും റിമാന്ഡ് റിപ്പോര്ട്ടില് പറയുന്നു.
കട്ടിളപ്പാളിയിലെ സ്വര്ണം കവര്ന്ന കേസില് തിങ്കളാഴ്ച ഉണ്ണികൃഷ്ണന് പോറ്റിയുടെ അറസ്റ്റ് രേഖപ്പെടുത്തി.ഉണ്ണികൃഷ്ണന് പോറ്റിക്കെതിരെ ഗൂഢാലോചന വകുപ്പ് കൂടി ചുമത്തി.പത്താം തീയതി വൈകുന്നേരം അഞ്ച് മണി വരെയാണ് ഉണ്ണികൃഷ്ണന് പോറ്റിയെ പ്രത്യേക അന്വേഷണ സംഘത്തിന്റെ കസ്റ്റഡിയില് വിട്ടിരിക്കുന്നത്. കസ്റ്റഡിയില് വാങ്ങിയ ഉണ്ണികൃഷ്ണന് പോറ്റിയെ സംഘം കൂടുതല് ചോദ്യം ചെയ്യുന്നതിനായി തിരുവനന്തപുരത്തേക്ക് കൊണ്ടുപോയി.
