ബെംഗളൂരു: (3-11-2025) കർണ്ണാടകയിൽ നിന്ന് മനുഷ്യ മനസാക്ഷിയെ ഞെട്ടിക്കുന്ന ഒരു വാർത്തയാണ് ഇപ്പോൾ പുറത്ത് വന്നിരിക്കുന്നത്. തെരുവ് നായയെ ഒരുകൂട്ടം പുരുഷന്മാർ ബലാത്സംഗം ചെയ്തതായാണ് പരാതി.ബെല്ലന്തൂർ കേന്ദ്രീകരിച്ച് പ്രവർത്തിക്കുന്ന മൃഗസംരക്ഷണ പ്രവർത്തകയാണ് പരാതി നൽകിയത്.റസിഡൻഷ്യൽ അപ്പാർട്ട്മെന്റിനോട് ചേർന്നുള്ള ലേബർ ഷെഡിലാണ് നായക്കെതിരെ ലൈംഗികാതിക്രമം നടന്നതെന്നാണ് ഇവർ പറയുന്നത്.
താൻ സ്ഥിരമായി ഭക്ഷണം നൽകുന്ന മിലി എന്ന തെരുവുനായയെ ഒക്ടോബർ 13ന് ഒരുകൂട്ടം പുരുഷൻമാർ ലേബർ ഷെഡിൽ കൂട്ടബലാത്സംഗം ചെയ്യുന്നത് കണ്ടുവെന്നാണ് പരാതിയിൽ പറയുന്നത്.പരാതിക്ക് പിന്നാലെ സമീപത്തെ സിസിടിവി കാമറകൾ പരിശോധിച്ച പൊലീസാണ് നായയെ പരിക്കേറ്റ നിലയിൽ കണ്ടെത്തിയത്. നായയുടെ സ്വകാര്യ ഭാഗത്ത് മുറിവുണ്ടായിരുന്നു. തുടർന്ന്, സ്രവങ്ങൾ പരിശോധനയ്ക്കായി അയച്ചു എന്നും പോലീസ് പറയുന്നു.
