പട് ന: കൊലപാതകക്കേസില് കൂടുക്കി മൊകാമ നിയോജകമണ്ഡലത്തിലെ ബിജെപി സ്ഥാനാര്ത്ഥി അനന്ത് സിംഗിനെ തോല്പിക്കാന് ആര്ജെഡി ശ്രമം. ദുലാര് ചന്ദ് യാദവ് എന്ന ഗുണ്ടാത്തലവന്റെ കൊലപാതകത്തില് കലങ്ങി മറിഞ്ഞിരിക്കുകയാണ് മൊകാമ എന്ന മണ്ഡലം. കഴിഞ്ഞ ദിവസം മൊകാമയില് തന്റെ മരുമകന്റെ രാഷ്ട്രീയ പ്രചാരണത്തിന് മൊകാമയില് എത്തിച്ചേര്ന്ന ഗുണ്ടാനേതാവ് ദുലാര് ചന്ദ് യാദവ് വെടിയേറ്റ് കൊല്ലപ്പെടുകയായിരുന്നു.
പ്രശാന്ത് കിഷോറിന്റെ ജനസുരജ് പാര്ട്ടിയുടെ സ്ഥാനാര്ത്ഥിയാണ് ദുലാര് ചന്ദ് യാദവിന്റെ മരുമകന് പീയൂഷ് പ്രിയദര്ശി. ഈ മരുമകനെ ജയിപ്പിക്കാന് വേണ്ടിയുള്ള പ്രചാരണത്തിനാണ് ദുലാര്സിങ്ങ് യാദവ് മൊകാമ മണ്ഡലത്തില് എത്തിയത്. എന്തായാലും ഈ കൊലപാതകത്തിന്റെ പേരില് അതിനാടകീയമായി പൊലീസ് മൊകാമ മണ്ഡലത്തിലെ ബിജെപി സ്ഥാനാര്ത്ഥി അനന്ത് സിങ്ങിനെ അറസ്റ്റ് ചെയ്തു.
എന്നാല് താന് കൊലപാതകം നടന്ന സ്ഥലത്ത് നിന്നും വളരെ അകലെയായിരുന്നുവെന്നും മൊകാമ മണ്ഡലത്തിലെ ആര്ജിഡി സ്ഥാനാര്ത്ഥി വീണ ദേവിയുടെ ഭര്ത്താവ് സൂരജ് ഭാന് സിങ്ങാണ് ഈ കൊലപാതകത്തിന് പിന്നിലെന്നുമാണ് അനന്ത് സിംഗ് ആരോപിക്കുന്നത്. താന് അറസ്റ്റിലായാല് വീണാ ദേവിയ്ക്ക് എളുപ്പത്തില് ജയിക്കാമെന്ന കണക്കുകൂട്ടലിലാണ് ദൂലാര് ചന്ദ് യാദവിനെ കൊലപ്പെടുത്തുകയും അതിന്റെ കാരണക്കാരനായി ബിജെപി സ്ഥാനാര്ത്ഥിയെ അറസ്റ്റ് ചെയ്യുകയും ചെയ്തത്.
മൊകാമ മണ്ഡലത്തിലെ ജെഡിയു സ്ഥാനാര്ത്ഥിയായ അനന്ത് സിംഗ് അറസ്റ്റിലായതോടെ ആര്ജെഡിയ്ക്കെതിരായ പ്രതിഷേധം ബീഹാറില് അലയടിക്കുന്നു. അറസ്റ്റിലായ അനന്ത് സിങ്ങിനെ രണ്ടാഴ്ചത്തേക്ക് റിമാന്റ് ചെയ്തിരിക്കുകയാണ്. വാസ്തവത്തില് ഒക്ടോബര് 30 ദുലാര്ചന്ദ് യാദവിന്റെ കൊലപാതകത്തില് കലാശിച്ചത് രണ്ട് ഗുണ്ടാസംഘങ്ങള് തമ്മിലുള്ള ഏറ്റുമുട്ടലാണ്. ഇതില് ആരാണ് നിറയൊഴിച്ചത് എന്ന് വ്യക്തമല്ല. കൊലപാതകം നടന്ന സ്ഥലത്ത് നിന്നും എത്രയോ ദൂരെയായിരുന്നു അനന്ത് സിംഗ് ഉണ്ടായിരുന്നതെന്ന് പറയപ്പെടുന്നു. പക്ഷെ അനന്ത് സിങ്ങാണ് ദുലാര് ചന്ദ് യാദവിന് നേരെ നിറയൊഴിച്ചതെന്നാണ് പൊലീസ് എഫ് ഐ ആര്.
2020ലെ നിയമസഭാ തെരഞ്ഞെടുപ്പില് മൊകാമയില് നിന്നും വിജയിച്ചത് ജെഡിയു സ്ഥാനാര്ത്ഥി അനന്ത് സിങ്ങാണ്. പക്ഷെ 2022ല് ഒരു കേസില് ശിക്ഷിക്കപ്പെട്ടതോടെ അനന്ത് സിംഗ് അയോഗ്യനാക്കപ്പെട്ടു. തുടര്ന്ന് നടന്ന ഇടക്കാലതെരഞ്ഞെടുപ്പില് അനന്ത് സിങ്ങിന്റെ ഭാര്യ നീലം ദേവി മത്സരിച്ച് ജയിച്ചു. ഇക്കുറി ജെഡിയു സ്ഥാനാര്ത്ഥിയായി അനന്ത് സിംഗിനെ നിര്ത്തിയതോടെ മൊകാമയില് ആര്ജെഡി പരാജയം മണത്തുകഴിഞ്ഞിരുന്നു. കാരണം മൊകാമയില് നാല് തവണ വിജയിച്ച നേതാവാണ് അനന്ത് സിങ്ങ്.
