ബംഗളൂരു: സൗത്ത് ബംഗളൂരുവില് മലയാളി നടത്തുന്ന ഹോംസ്റ്റേയില് അനുമതികളില്ലാതെ നടത്തിയ നിശാസംഗീത പാര്ട്ടിക്കിടെ മൂന്ന് കൗമാരക്കാരടക്കം 107 യുവതീയുവാക്കളെ പിടികൂടി. രഹസ്യ വിവരത്തിന്റെ അടിസ്ഥാനത്തില് പുലര്ച്ചെ 3 മണിയോടെയാണ് പൊലീസ് റെയ്ഡ് നടത്തിയത്. പിടിയിലായവരെ വൈദ്യപരിശോധന നടത്തി. ഹോംസ്റ്റേയില് നിന്ന് മയക്കു മരുന്ന് കണ്ടെത്താന് കഴിഞ്ഞിട്ടില്ലെന്നും എന്നാല് വൈദ്യപരിശോധനാ ഫലത്തിനായി കാക്കുകയാണെന്നും പൊലീസ് പറഞ്ഞു. തുടരന്വേഷണങ്ങള്ക്ക് ഹാജരാകാന് നോട്ടീസ് നല്കിയ ശേഷം പിടിയിലായവരെ വിട്ടയച്ചു. പരിപാടിയുടെ സംഘാടകന്, ഹോംസ്റ്റേ ഉടമ, മറ്റ് മൂന്ന് പേര് എന്നിവര്ക്കെതിരെ കേസെടുത്തിട്ടുണ്ട്. വാട്ട്സ്ആപ്പ് ഗ്രൂപ്പുകള് വഴി ക്ഷണക്കത്ത് പ്രചരിപ്പിച്ചാണ് പാര്ട്ടി സംഘടിപ്പിച്ചതെന്ന് പൊലീസ് അറിയിച്ചു.
