റായ്പൂർ ; ഛത്തീസ്ഗഡിൽ സനാതനധർമ്മം സ്വീകരിച്ച് 140 ഓളം പേർ . പ്രലോഭനങ്ങളിൽപ്പെട്ട് വർഷങ്ങൾക്ക് മുൻപ് ഹിന്ദുമതം ഉപേക്ഷിച്ചവരാണ് വീണ്ടും ഹിന്ദുമതത്തിലേയ്ക്ക് മടങ്ങിയത്. പ്രബൽ പ്രതാപ് ജുദേവിന്റെ നേതൃത്വത്തിലായിരുന്നു ചടങ്ങുകൾ.
സാരൻഗഡിൽ നടന്ന ‘വിരാട് ഹിന്ദു സമ്മേളന’ത്തിലാണ് സനാതന ധർമ്മത്തിലേക്ക് പരിവർത്തനചടങ്ങ് നടത്തിയത്. പരിപാടിയിൽ പൂജ്യ അജയ് ഉപാധ്യായ ജി മഹാരാജ് പങ്കെടുത്തു. 140 പേരെയും കാലുകൾ കഴുകി സനാതന ധർമ്മത്തിലേക്ക് സ്വാഗതം ചെയ്തു. ഈ കാമ്പെയ്ൻ മതത്തെക്കുറിച്ചു മാത്രമല്ല, രാഷ്ട്രനിർമ്മാണത്തെയും സാംസ്കാരിക സംരക്ഷണത്തെയും കുറിച്ചാണെന്നും, ജീവിതകാലം മുഴുവൻ ഇത് തുടരുമെന്നും പ്രബൽ പ്രതാപ് സിംഗ് ജുദേവ് പറഞ്ഞു.
ഹിന്ദുമതത്തോളം മഹത്വം മറ്റൊന്നിനുമില്ലെന്നും, മറ്റൊരു മതത്തിൽ ചേർന്നപ്പോഴാണ് അത് മനസിലായതെന്നുമാണ് ഹിന്ദുമതം സ്വീകരിച്ചവർ പറയുന്നത്.
