പട്ന:: പാകിസ്ഥാനില് ബോംബ് പൊട്ടിയപ്പോള് കോണ്ഗ്രസിന്റെ രാജകുടുംബത്തിന് ഉറക്കം നഷ്ടപ്പെട്ടുവെന്ന് പ്രധാനമന്ത്രി മോദിയുടെ പരിഹാസം. കോണ്ഗ്രസ് ഇനിയും ഓപ്പറേഷന് സിന്ദൂറിന്റെ പരാജയത്തില് നിന്നും മുക്തരായിട്ടില്ലെന്നും പ്രധാനമന്ത്രി മോദി പരിഹസിച്ചു.
ബീഹാറില് ഒക്ടോബര് രണ്ടിന് ഞായറാഴ്ച തെരഞ്ഞെടുപ്പ് യോഗത്തില് പ്രസംഗിക്കുകയായിരുന്നു പ്രധാനമന്ത്രി. പാകിസ്ഥാനൊപ്പം കോണ്ഗ്രസ് നേതാക്കളും ഓപ്പറേഷന് സിന്ദൂറിന്റെ ഷോക്കില് നിന്നും ഇനിയും മുക്തരായിട്ടില്ലെന്നും മോദി പറഞ്ഞു.
ഇന്ന് ഇന്ത്യ ഭീകരരെ അവരുടെ മടയില് കയറി ആക്രമിക്കുകയാണ്. ഈയിടെ നമ്മള് ഓപ്പറേഷന് സിന്ദൂര് നടത്തി. നിങ്ങളുടെ മുന്പില് നമ്മള് ഇക്കാര്യം തെളിയിച്ചില്ലേ? നമ്മുടെ ധീരരായ സൈനികരെക്കുറിച്ച് നിങ്ങള്ക്ക് അഭിമാനമില്ലേ? ഇന്ത്യന് സേന വിജയിച്ചെങ്കിലും കോണ്ഗ്രസിനും ആര്ജെഡിയ്ക്കും സന്തോഷമില്ല- മോദി പരിഹാസം തുടര്ന്നു.
ഓപ്പറേഷന് സിന്ദൂറിനെക്കുറിച്ച് തുടര്ച്ചയായി മോദിയും അമിത് ഷായും ബീഹാറില് പ്രസംഗിക്കുകയാണ്. കേന്ദ്രസര്ക്കാരിന്റെ വലിയൊരു നേട്ടമായാണ് ഇവര് ഓപ്പറേഷന് സിന്ദൂറിനെ ബീഹാറില് അവതരിപ്പിക്കുന്നത്. .
