Main
തിരുവനന്തപുരം : രാജപാതകളും വലിയ കെട്ടിടങ്ങളും നിര്മ്മിക്കുന്നത് കൊണ്ട് വികസനമാകുന്നില്ലെന്ന് നടന് മമ്മൂട്ടി. വിശക്കുന്ന വയറിനു മുന്നില് ഒരു വികസനത്തിനും വിലയില്ലെന്ന് അദ്ദേഹം പറഞ്ഞു.
നമ്മുടെ സാമൂഹ്യ ജീവിതമാണ് വികസിക്കേണ്ടത്.അതിന് ദാരിദ്ര്യം പരി പൂര്ണമായും തുടച്ചുമാറ്റപ്പെടണം.ദാരിദ്ര്യം പൂര്ണമായും തുടച്ചുനീക്കപ്പെട്ട സ്ഥലങ്ങള് വളരെ അപൂര്വമേ തന്റെ അറിവില് ഉള്ളൂ.കേരളം പലതിനും മാതൃകയാണെന്നും കേരളത്തെ അതിദാരിദ്ര്യമുക്തമായി പ്രഖ്യാപിക്കുന്ന ചടങ്ങില് മമ്മൂട്ടി പറഞ്ഞു.
അതിദാരിദ്ര്യം മാത്രമേ മുക്തമായിട്ടുള്ളൂ, ദാരിദ്ര്യം ഒരു വലിയ കടമ്പയാണ്. പലതും കേരളം ഒരുമിച്ച് നിന്ന് അതിജീവിച്ചിട്ടുണ്ട്. സമര്പ്പണം നമ്മുടെ ജനങ്ങളുടെ ഭാഗത്ത് നിന്നും ഉണ്ടാകണമെന്ന് മമ്മൂട്ടി പറഞ്ഞു.
എട്ടുമാസമായി താന് നാട്ടിലുണ്ടായിരുന്നില്ല. ഒരു പൊതുവേദിയിലോ സ്ഥലത്തോ കുറെ നാളുകളായി പോകാത്ത ആളാണ് ഞാന്.എറണാകുളത്ത് നിന്ന് തിരുവനന്തപുരത്തേക്കുളള യാത്രയില് കണ്ണഞ്ചിപ്പിക്കുന്ന മാറ്റങ്ങളാണ് കണ്ടതെന്നും മമ്മൂട്ടി പറഞ്ഞു.
