ന്യൂദല്ഹി: ‘ഒരു രാഷ്ട്രം ഒരു പോലീസ് യൂണിഫോം’ നയം നടപ്പിലാക്കലുമായി ബന്ധപ്പെട്ട് പ്രാരംഭ വിവരങ്ങള് നല്കാന് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും കേന്ദ്ര ആഭ്യന്തര മന്ത്രാലയം നിര്ദ്ദേശം നല്കി.
കോണ്സ്റ്റബിള് മുതല് ഡെപ്യൂട്ടി പോലീസ് സൂപ്രണ്ട് വരെയുള്ളവരുടെ റാങ്ക് തിരിച്ചുള്ള വിവരങ്ങള്, വാര്ഷിക യൂണിഫോം അലവന്സുകള്, നിലവിലുള്ള യൂണിഫോമുകളുടെ വില എന്നിവ ഉള്പ്പെടെയുള്ള വിവരങ്ങള് നല്കണമെന്നാണ് ആഭ്യന്തര മന്ത്രാലയം ആവശ്യപ്പെട്ടിട്ടുള്ളത്.
ബ്യൂറോ ഓഫ് പോലീസ് റിസര്ച്ച് ആന്ഡ് ഡെവലപ്മെന്റ് ആണ് ‘ഒരു രാഷ്ട്രം ഒരു പോലീസ് യൂണിഫോം’ ഡിസൈന് ചെയ്യുന്നതിന് നേതൃത്വം നല്കുന്നത്. മെറ്റീരിയല്, നിറം, ചിഹ്നം, ചെലവ് എന്നിവ വിശകലനം ചെയ്ത് ഒരു നിശ്ചിത രൂപം ശുപാര്ശ ചെയ്യും. രൂപകല്പ്പനയും തുണിത്തരവും ഏകീകരിക്കുകയാണ് ലക്ഷ്യം. എന്നാല് സംസ്ഥാനങ്ങള്ക്ക് അവരുടേതായ ചിഹ്നങ്ങളും റാങ്കുകളും നിലനിര്ത്താം.
2022 ഒക്ടോബറില് സംസ്ഥാന ആഭ്യന്തര മന്ത്രിമാരുടെ ചിന്തന് ശിബിരത്തില് പ്രധാനമന്ത്രി നരേന്ദ്ര മോദിയാണ് ഈ ആശയം ആദ്യമായി മുന്നോട്ടുവച്ചത്.
‘ഒരു രാഷ്ട്രം ഒരു പോലീസ് യൂണിഫോം’ : സംസ്ഥാനങ്ങള് വിവരം നല്കണമെന്ന് കേന്ദ്ര ആഭ്യന്തര മന്ത്രാലയം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.