മെല്ബണ്: രണ്ടാം ട്വന്റി 20യില് ഇന്ത്യയ്ക്കെതിരെ ഓസ്ട്രേലിയയ്ക്ക് നാല് വിക്കറ്റ് ജയം. ഇന്ത്യ ഉയര്ത്തിയ 126 റണ്സ് വിജയലക്ഷ്യം 13.2 ഓവറില് ആറ് വിക്കറ്റ് നഷ്ടത്തില് ഓസ്ട്രേലിയ മറികടന്നു.
മിച്ചല് മാര്ഷ് 26 പന്തില് 46 റണ്സും ട്രാവിസ് ഹെഡ് 15 പന്തില് 28 റണ്സും നേടി. ഇരുവരും ചേര്ന്ന് 51 റണ്സ് കൂട്ടുകെട്ട് ഉയര്ത്തി. ജോഷ് ഇംഗ്ലിസ് 20 റണ്സെടുത്തപ്പോള് മിച്ചല് ഓവന് 14 റണ്സും നേടി.
ഇന്ത്യയ്ക്ക് വേണ്ട് ജസ്പ്രീത് ബുംറയും വരുണ് ചക്രവര്ത്തിയും കുല്ദീപ് യാദവും രണ്ട് വിക്കറ്റ് വീതം നേടി.
ടോസ് നേടിയ ഓസ്ട്രേലിയ ഇന്ത്യയെ ബാറ്റിംഗിനയച്ചു.ഇന്ത്യ 18.4 ഓവറില് 125 റണ്സിന് എല്ലാവരും പുറത്തായി. അഭിഷേക് ശര്മ 68 റണ്സെടുത്ത് ടോപ് സ്കോററായി.
ഹര്ഷിത് റാണ 33 പന്തുകള് നേരിട്ട് 35 റണ്സെടുത്തു. ഇന്ത്യന് നിരയില് മറ്റാര്ക്കും രണ്ടക്കം കാണാനായില്ല.32 റണ്സെടുക്കുന്നതിനിടെ ഇന്ത്യയ്ക്ക് നാലു വിക്കറ്റുകള് നഷ്ടമായി.
ശുഭമാന് ഗില് (5), സഞ്ജു സാംസണ് (2), സൂര്യകുമാര് യാദവ് (1), തിലക് വര്മ (0) എന്നിവര് പവര്പ്ലേ ഓവറുകളില് തന്നെ പുറത്തായി. ഓസ്ട്രേലിയയ്ക്കായി ജോഷ് ഹെയ്സല്വുഡ് മൂന്നും, സേവ്യര് ബാര്ട്ലെറ്റ്, നേഥന് എലിസ് എന്നിവര് രണ്ടും വീതം വിക്കറ്റുകള് നേടി.
