തിരുവനന്തപുരം: ശബരിമലയിലെ ഈ വര്ഷത്തെ മണ്ഡല-മകരവിളക്ക് തീര്ഥാടനത്തിനുള്ള ഒരുക്കങ്ങള് ദ്രുതഗതിയില് പൂര്ത്തിയാക്കാന് മന്ത്രി വി.എന് വാസവന് നിര്ദ്ദേശം നല്കി.
തീര്ത്ഥാടകര്ക്ക് അപ്പവും അരവണയും ഒരു മുടക്കവും കൂടാതെ ലഭ്യമാക്കാന് വൃശ്ചികം ഒന്നിന് 50 ലക്ഷം മുതല് 65 ലക്ഷം വരെ പായ്ക്ക് ബഫര് സ്റ്റോക്ക് തയാറാക്കും. നിലവില് 15 ലക്ഷം സ്റ്റോക്ക് ലഭ്യമാക്കിയിട്ടുണ്ട്.
വിര്ച്വല് ക്യൂ സംവിധാനത്തില് ഇത്തവണയും കഴിഞ്ഞ വര്ഷത്തെ പോലെ എന്ട്രി പോയിന്റുകളില് ബുക്കുചെയ്യുന്നതിന് സൗകര്യമൊരുക്കും. ആധാര് കാര്ഡ് ഉള്പ്പെടെയുള്ള തിരിച്ചറിയല് കാര്ഡിലൂടെയാണ് രജിസ്ട്രേഷന് സൗകര്യമുണ്ടാകുക.
ശബരിമല തീര്ത്ഥാടനത്തിനെക്കുറിച്ച് അറിഞ്ഞിരിക്കേണ്ട വിവരങ്ങള് ഉള്പ്പെടുത്തി തീര്ത്ഥാടകര്ക്കായി മൊബൈല് ആപ്ലിക്കേഷന് ദേവസ്വം ബോര്ഡ് സജ്ജമാക്കും. കഴിഞ്ഞ വര്ഷം ആരംഭിച്ച തീര്ത്ഥാടകര്ക്കുള്ള ഇന്ഷുറന്സ് പരിരക്ഷ ഇത്തവണ കേരളം മുഴുവന് ലഭ്യമാക്കുന്നതിനും തീരുമാനം എടുത്തിട്ടുണ്ട്.
