തിരുവനന്തപുരം: ഫീസ് വര്ദ്ധനയെ തുടര്ന്ന് ചൊവ്വാഴ്ച രാത്രി കാര്ഷിക സര്വകലാശാല വി സി ഡോ. ബി അശോകിന്റെ വീട്ടിലേക്ക് എസ് എഫ് ഐ പ്രതിഷേധം. ഡോ. ബി അശോകിന്റെ ഉള്ളൂരിലുള്ള വീട്ടിലേക്ക് എസ്എഫ്ഐ നടത്തിയ പ്രകടനത്തിനിടെ പ്രവര്ത്തകര് പൊലീസ് ബാരിക്കേഡ് ചാടിക്കടന്നു.
വീട്ടുവളപ്പിലേക്ക് ചാടിക്കടന്ന പ്രവര്ത്തകരെ പൊലീസ് അനുനയിപ്പിച്ചു. തുടര്ന്ന് ഇരുപതോളം പ്രവര്ത്തകര് അറസ്റ്റ് വരിച്ചു.
പ്രവര്ത്തകരെത്തിയപ്പോള് വി സി വീട്ടിലുണ്ടായിരുന്നില്ല. പിന്നീട് അദ്ദേഹം എത്തിയപ്പോഴാണ് പ്രവര്ത്തകര് അക്രമാസക്തരായത്.
എസ്എഫ്ഐ ജില്ലാ പ്രസിഡന്റടക്കം അന്പതോളം പ്രവര്ത്തകരാണ് വി സിയുടെ വീടിന് മുന്പില് പ്രതിഷേധവുമായി എത്തിയത്. സര്ക്കാരുമായി നല്ല ബന്ധത്തിലല്ലാത്ത വി സിയെ എതിര്ക്കാന് ഫീസ് വര്ദ്ധനയെ അവസരമാക്കുകയാണ് എസ് എഫ് ഐ. ഭരിക്കുന്ന പാര്ട്ടിയുടെ വിദ്യാര്ത്ഥി സംഘടനയ ായതിനാല് പൊലീസിനും ഇവരോട് മൃദുനയമാണ്.
അതേസമയം, സര്ക്കാര് ഗ്രാന്റ് കിട്ടുന്നില്ലെന്നും സര്വകലാശാലയ്ക്ക് 226 കോടി രൂപ ബാധ്യതയുണ്ടെന്നും അധികൃതര് പറഞ്ഞു.
