കൊച്ചി: ഇടപ്പള്ളി ലുലു മാളില് ഉപഭോക്താക്കളില് നിന്ന് വാഹനപാര്ക്കിങ് ഫീസ് പിരിക്കുന്നത് നിയമാനുസൃതമാണെന്ന ഹൈക്കോടതി സിംഗിള് ബെഞ്ചിന്റെ ഉത്തരവ് ഡിവിഷന് ബെഞ്ച് ശരിവച്ചു. ബോസ്കോ കളമശേരി നല്കിയ അപ്പീലിലാണ് ജസ്റ്റിസുമാരായ എസ്.എ. ധര്മാധികാരി, വിഎം. ശ്യാംകുമാര് എന്നിവരുടെ വിധി.
ന്യായമായ ഫീസ് മാത്രമേ ഈടാക്കുന്നുള്ളൂവെന്നും ഈ തുക പാര്ക്കിങ് ഏരിയയുടെ പരിപാലനത്തിനാണ് ഉപയോഗിക്കുന്നതെന്നും ലുലു ചൂണ്ടിക്കാട്ടി. പാര്ക്കിങ് ഫീസ് പിരിക്കാന് ലുലു മാളിന് അനുമതി നല്കിയിട്ടുണ്ടെന്ന് കളമശേരി നഗരസഭയും വ്യക്തമാക്കി.
മാളിലെ ബേസ്മെന്റ്, മള്ട്ടിലെവല് കാര് പാര്ക്കിങ് എന്നിവിടങ്ങളിലായി വിശാലവും സുരക്ഷിതവുമായ സൗകര്യമാണ് വാഹനങ്ങള്ക്കായി ഒരുക്കിയിരിക്കുന്നതെന്നും ഈ ഏരിയകൂടി ഉള്പ്പെടുത്തിയാണ് മുനിസിപ്പാലിറ്റിക്ക് കെട്ടിട നികുതി നല്കുന്നതെന്നുമുള്ള ലുലുവിന്റെ വാദം കോടതി അംഗീകരിക്കുകയായിരുന്നു.
ഇടപ്പള്ളി ലുലു മാളില് വാഹനപാര്ക്കിങ് ഫീസ് പിരിക്കാം, ഹൈക്കോടതി സിംഗിള് ബെഞ്ച് ഉത്തരവ് ശരിവച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.