ഇടുക്കി : അടിമാലിക്ക് സമീപം മണ്ണിടിച്ചിലില് മരിച്ച ബിജുവിന്റെ മൃതദേഹം കുമ്പന്പാറയിലെ കുടുംബ വീട്ട് വളപ്പില് സംസ്കരിച്ചു.ബിജുവിന്റെ ഭാര്യ സന്ധ്യ ഇടത് കാലിന് ഗുരുതര പരിക്കേറ്റ് ആശുപത്രിയില് ചികിത്സയിലാണ്.
കാല് മുട്ടിന് താഴോട്ട് എല്ലുകളും രക്ത കുഴലുകളും ചതഞ്ഞരഞ്ഞെന്നും രാജഗിരി ആശുപത്രിയിലെ ഡോക്ടര് പറഞ്ഞു.ബിജുവിന് തടിപ്പണിയായിരുന്നുവെന്ന് സന്ധ്യയുടെ പിതാവ് പറഞ്ഞു.
ഒരു വര്ഷം മുമ്പാണ് ബിജുവിന്റെ മകന് അര്ബുദം ബാധിച്ച് മരിച്ചത്. ഈ വേദനകളില് നിന്ന് കരകയറുന്നതിനിടെയാണ് കുടുംബത്തിലേക്ക് മറ്റൊരു ദുരന്തം കൂടി എത്തുന്നത്.
ഗുരുതര സാമ്പത്തിക പ്രതിസന്ധിക്കിടയിലും മകളെ നഴ്സിംഗിന് പഠിപ്പിക്കുന്നുണ്ട്. മറ്റു വരുമാന മാര്ഗങ്ങള് ഇല്ല. 15 സെന്റ് സ്ഥലമുണ്ടായിരുന്നുവെന്നും ബന്ധുക്കള് പറഞ്ഞു.
കഴിഞ്ഞ രാത്രിയുണ്ടായ മണ്ണിടിച്ചിലില് ദമ്പതികളായ ബിജുവും സന്ധ്യയും അപകടത്തില് പെടുകയായിരുന്നു. ആറര മണിക്കൂര് നീണ്ട രക്ഷാപ്രവര്ത്തനത്തിലൂടെ ഇരുവരെയും പുറത്തെത്തിച്ചെങ്കിലും ബിജു മരിച്ചു.
