ആലപ്പുഴ: പാര്ട്ടിയുമായി ഇടഞ്ഞു നില്ക്കുന്ന ജി സുധാകരനെ സന്തോഷിപ്പിക്കാന് പോസ്റ്റര്അനുനയം. സുധാകരന് പൊതുമരാമത്ത് മന്ത്രിയായിരിക്കെ 50 കോടി ചിലവഴിച്ച് തുടക്കമിട്ട തോട്ടപ്പള്ളി നാലുചിറ പാലം ഉദ്ഘാടനത്തിന്റെ പോസ്റ്ററിലാണ് സുധാകരന്റെ ചിത്രം ഉള്പ്പെടുത്തിയിരിക്കുന്നത്. 27ന് നടക്കുന്ന പരിപാടിയില് മുഖ്യമന്ത്രി പിണറായി വിജയനാണ് ഉദ്ഘാടകന്. മുഹമ്മദ് റിയാസ്, സജി ചെറിയാന്, പി പ്രസാദ്, കോണ്ഗ്രസ് എംപി കെ.സി വേണുഗോപാല് തുടങ്ങിയവര്ക്കൊപ്പം ഏറ്റവും ഒടുവിലാണ് പോസ്റ്ററില് ജി സുധാകരന്റെ ചിത്രമുള്ളത്. ഈ സര്ക്കാര് അധികാരത്തിലെത്തിയ ശേഷം മുന് മന്ത്രിയായ ജി സുധാകരനെ പരിപാടികളിലൊന്നും പങ്കെടുപ്പിക്കാറില്ല. പാര്ട്ടിയില് നിന്ന് വിരമിച്ച നേതാവ് എന്ന നിലയ്ക്ക് തന്നോടു പുലര്ത്തുന്ന അവഗണനയില് അസഹിഷ്ണുവായ സുധാകരന് തരം കിട്ടുമ്പോഴെല്ലാം പാര്ട്ടിയെയും പിണറായിയെത്തന്നെയും വിമര്ശിക്കാറുണ്ട്. ഏറ്റവുമൊടുവില് മന്ത്രി സജി ചെറിയാനുമായാണ് സുധാകരന് കൊമ്പു കോര്ത്തത്. സജി ചെറിയാനും കൂടി ഉള്ള ഈ പരിപാടിയില് സുധാകരന് പങ്കെടുക്കുമോ എന്നതാണ് കണ്ടറിയേ
















