കൊച്ചി : ചെല്ലാനത്ത് നിന്ന് മത്സ്യബന്ധനത്തിന് പോയി കടലില് കാണാതായ അഞ്ച് മത്സ്യത്തൊഴിലാളികളെയും കണ്ടെത്തി.അഞ്ചുപേരെയും മറ്റൊരു ബോട്ടില് കയറ്റി കരയിലെത്തിച്ചു.വള്ളത്തിന്റെ എന്ജിന് തകരാറിലായി കടലില് കുടുങ്ങുകയായിരുന്നു.
വള്ളം ബോട്ടില് കെട്ടിവലിച്ചാണ് കൊണ്ടു വന്നത്.KL03 4798 എന്ന നമ്പരിലുള്ള ഇമ്മാനുവല് എന്ന വള്ളത്തില് പോയവരെയാണ് കാണാതായത്. വെളളിയാഴ്ച പുലര്ച്ചെ നാലുമണിയോടെയാണ് ഇവര് കടലില് പോയത്.
രാവിലെ 9 മണിയോടെ മടങ്ങി വരേണ്ടതായിരുന്നു. ചെല്ലാനം കണ്ടക്കടവ് സ്വദേശികളായ സെബിന്, പാഞ്ചി, കുഞ്ഞുമോന്, പ്രിന്സ്, ആന്റപ്പന് എന്നിവരാണ് വള്ളത്തില് ഉണ്ടായിരുന്നത്. ഇവരെ കണ്ടെത്തുന്നതിനായി തീര സംരക്ഷണ സേനയും നാവിക സേനയും അടക്കം തെരച്ചില് തുടങ്ങിയിരുന്നു.തുടര്ന്നാണ് കണ്ടെത്തിയത്.
