തിരുവനന്തപുരം: കേന്ദ്ര സർക്കാരിന്റെ ദേശീയ വിദ്യാഭ്യാസ നയത്തെ എതിർക്കുന്നവരോട് രാഷ്ട്രീയ സാമൂഹിക നിരീക്ഷകൻ റജിമോൻ കുട്ടപ്പൻ ചോദിക്കുന്നു, നമ്മൾ മൂന്നുവർഷം പാഴാക്കിയില്ലേ. എൻഇപിയെ എതിർക്കാൻ തക്കതായ ഒരു കാരണം പറയാമോ എന്നു വെല്ലുവിളിപോലെ ചോദിക്കുന്ന റജിമോൻ കുട്ടപ്പൻ അനുകൂലിക്കാൻ തനിക്ക് 50 കാരണങ്ങളുണ്ടെന്നും പറയുന്നു. അവ എണ്ണി പറയുന്നുമുണ്ട്.
സാമൂഹ്യ മാധ്യമത്തിൽ റജിമോൻ കുട്ടപ്പൻ എഴുതിയ കുറിപ്പ്, എൻഇപി കേരളത്തിൽ നടപ്പാക്കുന്നതിനെ എതിർക്കുന്ന സിപിഐ, കോൺഗ്രസ്, യുഡിഎഫ് കക്ഷികൾക്കു മാത്രമല്ല, ഇന്നലെവരെ എൻഇപിയെ എതിർത്തിരുന്ന സിപിഎമ്മിനും വെല്ലുവിളിയാണ്. റജിമോൻ കുട്ടപ്പന്റെ കുറിപ്പ് ഇങ്ങനെ:
“NEP PM SHRIപദ്ധതികൾ എതിർക്കാൻ 5 ക്രെഡിബിൾ വസ്തുതകൾ എതിർക്കുന്നവർക്ക് പറയാമോ.
ചുമ്മാ തള്ളരുത്. എവിടെ എന്ത് എന്ന് കൃത്യമായി പറയണം.
വാർത്തകൾ കോട്ട് ചെയ്യരുത്. ആരെങ്കിലും എഴുതിയ ലേഖനങ്ങൾ കോട്ട് ചെയ്യരുത്.
കൃത്യമായി NEP ഡോക്യൂമെന്റിലോ PM SHRI ഡോക്യൂമെന്റിലോ എന്തുണ്ട് എന്ന് പറയണം.
അനുകൂലിക്കാൻ എന്റെ കൈയിൽ 50 വസ്തുതകൾ ഉണ്ട്. ഒദ്യോഗിക രേഖകളിൽ നിന്നുള്ളത്.
വിദ്യാഭാസത്തിൽ സംസ്ഥാന സർക്കാറിനും കേന്ദ്ര സർക്കാരിനും കൂട്ടുത്തരവാദിത്വം ആണുള്ളത്.
തമിഴ് നാടിനു ഭാഷ ആണ് പ്രശനം. കേരളത്തിന് അതൊരു പ്രശ്നം അല്ല. ഈ നയങ്ങളിൽ പറയുന്ന യോഗ പോലും കേരളത്തിലെ സ്കൂളുകളിൽ പഠിപ്പിക്കുന്നുണ്ട്. ഈ നയങ്ങളിലെ 4 വർഷ ഡിഗ്രി ഇവിടെ കേരളത്തിൽ നടപ്പിലാക്കിയിട്ടുണ്ട്.
എനിക്ക് തോന്നുന്നത്. നമ്മൾ 3 വർഷം നഷ്ടപ്പെടുത്തി എന്നാണ്.
14500 സ്കൂളുകളിൽ നടപ്പിലാക്കാൻ ഉദ്ദേശിക്കുന്ന പദ്ധതി 13056 സ്കൂളുകളിൽ നടപ്പിലാക്കിയിട്ടുണ്ട്.
PM SHRI ചില പോയിന്റുകൾ
– വിദ്യാർത്ഥികൾക്ക് വിമർശനാത്മക ചിന്ത, സൃഷ്ടിപരത, ഡിജിറ്റൽ ജ്ഞാനം എന്നിവക്ക് മുന്നേറ്റം നൽകും.
– പാഠ്യപദ്ധതി National Curriculum Framework അനുസരിച്ച് 5+3+3+4 ഘടന പിന്തുടരും. ഏകീകരിക്കട്ടെ.
– പാഠ്യരീതി അനുഭവാധിഷ്ഠിതവും, കലയോടും കായികവുമായും ബന്ധിപ്പിച്ചതുമായിരിക്കും.
പരീക്ഷകൾ മെമ്മറി പുനരാവർത്തനം അല്ല, അറിവിന്റെ പ്രായോഗിക പ്രയോഗം അടിസ്ഥാനമായിരിക്കും.
– തൊഴിൽ അവസരങ്ങൾ കൊടുക്കുന്ന പുതിയ Skill-Based Aptitude Test (SBAT) ആരംഭിക്കും.
സ്കൂളുകളിൽ തൊഴിൽപഠനം (വൊക്കേഷണൽ ട്രെയിനിംഗ്) സംയോജിപ്പിക്കും.
പ്ലസ്ടു വരെയുള്ള ഓരോ വിദ്യാർത്ഥിയും ഒരു തൊഴിൽ നൈപുണ്യം കൈവരിച്ച് പുറപ്പെടണം.
– മാനസികം, ബൗദ്ധികം, ശാരീരികം എന്നിവ മുഴുവൻ മുന്നെത്തുന്ന പൂർണ്ണ വികസനം സാധ്യപ്പെടുത്തും.
– പാഠ്യഭാഗങ്ങൾ ഇന്ത്യൻ മൂല്യ ക്രമത്തിനും നാഗരിക ബോധത്തിനും ആധാരമായിരിക്കും.
Green Schools ആയിട്ടാണ് വികസിപ്പിക്കുന്നത് — സൗരോർജ്ജം, ജലസംരക്ഷണം, മാലിന്യ നിയന്ത്രണം മുന്നിൽ വെക്കും.
– കാലാവസ്ഥ മാറ്റവുമായി ബന്ധപ്പെട്ട ഹാക്കത്തോണുകളിലൂടെ പരിസ്ഥിതി ബോധം വളർത്തും
– സുരക്ഷിത കെട്ടിടം, കുടിവെള്ളം, വൈദ്യുതി, ടോയ്ലറ്റ്, ലൈബ്രറി എന്നിവ അനിവാര്യം.
പച്ചപ്പും (jala samrakshanam/waste recycling) ഉൾപ്പെടുന്ന പ്രവർത്തനങ്ങൾ അവലോകനം ചെയ്യും.
വിദ്യാർത്ഥികളുടെ പുരോഗതി ട്രാക്ക് ചെയ്യാൻ ഡിജിറ്റൽ പ്ലാറ്റ്ഫോം ഉണ്ടാകും.
– IIT, NIT മൂല്യനിർണയ സംഘങ്ങൾ പിന്തുണ നൽകും.
– രണ്ട് വർഷത്തിനുള്ളിൽ സ്കൂളുകളിൽ zero dropout സാധ്യമാക്കും.
– മോണിറ്ററിംഗ് മൂലം സുതാര്യതയും ഉത്തരവാദിത്തവും സ്ഥിരപ്പെടുത്തും.
– ഭക്ഷണ പദ്ധതി (PM POSHAN) യും Samagra Shikshaയും സമന്വയം നടത്തും.
– അധ്യാപക പരിശീലനം സ്ഥിരമായിരിക്കും ( DIET, SCERT മൂലമായി ).
– പൂർവ വിദ്യാർത്ഥികളും സമൂഹവും പഠനത്തിൽ പങ്കാളികളാകും.
– വിദ്യാർത്ഥി, അധ്യാപകൻ, പാരന്റ് എന്നിവരുടെ തൃപ്തി മോശമായാൽ മറുപടി നടപടികൾ ഉണ്ടാകും.”
