തിരുവനന്തപുരം: കേരളത്തിലെ പ്രതിപക്ഷനേതാവ് വി.ഡി. സതീശന് മുന് രാഷ്ട്രപതി കെ.ആര്. നാരായണന്റെ പ്രതിമാനാച്ഛാദന ചടങ്ങില് പങ്കെടുത്തില്ല. അദ്ദേഹം തിരുവനന്തപുരത്തുണ്ടായിരുന്നു. ക്ഷണം ലഭിച്ചിട്ടും ബോധപൂര്വം ചടങ്ങ് ബഹിഷ്കരിച്ചു.
ഇത് ഒരു രാഷ്ട്രീയ സംഭവമല്ല — മൂല്യങ്ങളുടെ തകര്ച്ചയും സാമൂഹിക ബഹുമാനത്തിന്റെ നാശവും പ്രതിഫലിപ്പിക്കുന്ന രാഷ്ട്രീയ അനാചാരവുമാണ്.
രാജ്യത്തിന്റെ രാഷ്ട്രപതിയായി ഉയര്ന്ന കേരളത്തിന്റെ അഭിമാനമായ ഡോ. കെ.ആര്. നാരായണന് ദളിത് സമൂഹത്തിന്റെ പ്രതീക്ഷകളെ പ്രതിനിധാനം ചെയ്ത നേതാവാണ്. അതുപോലെ, ഇപ്പോഴത്തെ രാഷ്ട്രപതി ദ്രൗപദി മുര്മുവും പിന്നാക്ക സമുദായത്തില് നിന്നുള്ള സ്ത്രീയാണ്. ഈ ഇരുവരോടുമുള്ള കോണ്ഗ്രസിന്റെ സമീപനം തന്നെ ഒരു തരം ‘ വരേണ്യ ചിന്ത ആണ് — പിന്നാക്ക ജനവിഭാഗങ്ങളെ രാഷ്ട്രീയമായി ഉപയോഗിച്ച് പിന്നെ അവരെ അവഹേളിക്കുന്ന മനോഭാവം.
സോണിയാ ഗാന്ധിയും പാര്ട്ടി നേതൃത്വം തന്നെയും ദ്രൗപദി മുര്മുവിനെ രാഷ്ട്രപതിയായി ഉയര്ന്നപ്പോള് അപമാനിച്ച പ്രസ്താവനകള് രാജ്യം മറന്നിട്ടില്ല. അതു തന്നെയാണ് കോണ്ഗ്രസിന്റെ നേതാക്കള് കേരളത്തില് അനുകരിക്കുന്നത്. ദളിത് സമൂഹത്തില് നിന്ന് ഉയര്ന്നവര്ക്ക് സ്ഥാനമൊന്നും അര്ഹമല്ലെന്ന സമീപനം കോണ്ഗ്രസിന്റെ രാഷ്ട്രീയ ഡി്എന്എ യിലാണ് പതിഞ്ഞിരിക്കുന്നത്.
കേരളത്തിലെ കോണ്ഗ്രസും അതിന്റെ കൂട്ടുകക്ഷികളും എല്ലായ്പ്പോഴും ദളിത് വിഭാഗങ്ങളെ വോട്ട് ബാങ്ക് മാത്രമായി കണ്ടിട്ടുണ്ട്. അവരെ ബഹുമാനിക്കുന്നതിലും സാമൂഹിക നില ഉയര്ത്തുന്നതിനിലും പാര്ട്ടിക്ക് യാതൊരു താല്പര്യവും ഇല്ല. കെ.ആര്. നാരായണന് പ്രതിമ അനാച്ഛാദനം അതിന്റെ തെളിവാണ്.
രാജ്ഭവനില് നടന്ന ചടങ്ങ് രാജ്യത്തിന്റെ അഭിമാനമായിരുന്നു. രാഷ്ട്രപതിയും മുന് രാഷ്ട്രപതിയും ഗവര്ണറും മുഖ്യമന്ത്രിയും ഒരേ വേദിയില് ഉണ്ടായപ്പോള് പ്രതിപക്ഷ നേതാവ് ് അപ്രത്യക്ഷനായത്.
കെ.ആര്. നാരായണന് കോണ്ഗ്രസുകാരനായിരുന്നു എന്നിട്ട് പോലും കോണ്ഗ്രസിന് അദ്ദേഹത്തെ ബഹുമാനിക്കാന് കഴിയുന്നില്ലെങ്കില് അത് പാര്ട്ടിയുടെ നൈതിക പരാജയമാണ്.
കേരളം സാംസ്കാരികമായി സമത്വത്തെയും ബഹുമാനത്തെയും വിലമതിക്കുന്ന ഭൂമിയാണ്. ആ സംസ്കാരത്തെ തകര്ക്കുന്ന സമീപനമാണ് പ്രതിപക്ഷനേതാവിന്റെ അസാന്നിധ്യം. ദളിത് സമൂഹത്തില് നിന്നുള്ള രാഷ്ട്രപതിമാരോടുള്ള ഈ അവഹേളനത്തിന് പ്രതിപക്ഷനേതാവും കോണ്ഗ്രസും ദളിത് സമൂഹത്തോട് പൊതു മാപ്പ് പറയേണ്ടതുണ്ട്.
കെ.ആര്. നാരായണന്റെ പ്രതിമയ്ക്ക് മുന്നില് നില്ക്കുന്ന ഓരോരുത്തരും ഓര്ക്കണം.ജനാധിപത്യം രാഷ്ട്രീയവൈരത്തിന്റെ കളമല്ല, മനുഷ്യബഹുമാനത്തിന്റെ പ്രതിബിംബമാണ്.
ആ ബഹുമാനത്തെയാണ് കോണ്ഗ്രസ് ഒരിക്കല് കൂടി പാദങ്ങളാല് ചവിട്ടിയത്.
