കണ്ണൂര്: രാഹുല് മാങ്കൂട്ടത്തിലിന്റെ ഇര അവഹേളിക്കപ്പെടുമെന്ന് ഭയന്ന് ഒളിഞ്ഞിരുന്നാല് പരിഹാരമാകില്ലെന്നും ധൈര്യത്തോടെ മുന്നോട്ടു വരണമെന്നും വനിതാ കമ്മീഷന് അധ്യക്ഷ അഡ്വ.പി. സതീദേവി.
ഇരയാകുന്ന പെണ്കുട്ടി കൊടുക്കുന്ന മൊഴിയും തെളിവുകളുമാണ് പോലീസിന് കേസ് രജിസ്റ്റര് ചെയ്യാന് സഹായമാകുന്നത്. പലപ്പോഴും ഭയം മൂലം ഇരകള് പരാതി നല്കുന്നില്ല. കമ്മീഷന്റെ മുമ്പില് വ്യക്തമായ മൊഴി നല്കുന്ന സാഹചര്യത്തില് മാത്രമാണ് നടപടിയെടുക്കാന് പോലീസിനോട് നിര്ദേശിക്കാന് പറ്റുകയെന്നും സതീദേവി പറഞ്ഞു.
