തിരുവനന്തപുരം: ഹിജാബ് പ്രശ്നത്തില്‍ മുസ്ലിങ്ങള്‍ക്ക് അനുകൂലവും ക്രിസ്ത്യന്‍ മാനേജ്മെന്‍റുകള്‍ക്ക് എതിരെയും നിലപാടെടുത്ത വിദ്യാഭ്യാസമന്ത്രി ശിവന്‍കുട്ടി പെട്ട മട്ടാണ്. കാരണം ഹിജാബ് പ്രശ്നത്തില്‍ അനൂകലമായ നടപടി മന്ത്രിയുടെ ഭാഗത്ത് നിന്നും ഉണ്ടാകണമെന്ന് ആവശ്യപ്പെട്ട് ശിവന്‍കുട്ടിയുടെ മേല്‍ പിടിമുറുക്കുകയാണ് വിവിധ ഇസ്ലാം സംഘടനാ നേതാക്കള്‍.
ഇതോടെ നേമം മണ്ഡലത്തിലെ ഭൂരിപക്ഷം വരുന്ന മുസ്ലിം വോട്ടര്‍മാരെ പ്രീണിപ്പിക്കാന്‍ നടത്തിയ ശ്രമം ശിവന്‍കുട്ടിക്ക് പാരയാവുമെന്ന് കരുതുന്നു. തട്ടത്തിന്റെ വിഷയത്തില്‍ ഒച്ചപ്പാടുകള്‍ അല്ലാതെ നടപടികള്‍ ഒന്നും ഉണ്ടാകുന്നില്ലെന്നാണ് സമസ്ത നേതാവ് ഉമര്‍ ഫൈസി മുക്കം പറഞ്ഞത്. തട്ടം ധരിച്ച് സ്കൂളിലേക്ക് വരാന്‍ പെണ്‍കുട്ടിയെ അനുവദിക്കാനുള്ള നടപടി ശിവന്‍കുട്ടിയുടെ ഭാഗത്ത് നിന്നും ഉണ്ടാകണമെന്ന സമ്മര്‍ദ്ദം തന്നെയാണ് ഇവര്‍ ചെലുത്താന്‍ നോക്കുന്നത്. ശിവന്‍കുട്ടി ഈ വിഷയത്തില്‍ നന്നായി പ്രതികരിച്ചിട്ടുണ്ടെന്നും ഇനി അനുകൂലനടപടി എടുക്കുമെന്നാണ് പ്രതീക്ഷിക്കുന്നതെന്നും ഉമര്‍ ഫൈസി മുക്കം പറയുന്നു.
